domingo, 21 de decembro de 2008

Fondo Estatal de Investimento Local

No día de onte, reuniuse a asemblea local de Esquerda Unida do Grove coa finalidade de tratar diversos asuntos, entre os que destacou o debate sobre a proposta que trasladará Xan Lamelas ao grupo de goberno sobre o Fondo Estatal de Inversión local, que destinará a O Grove perto de 2 millóns de euros.

mércores, 26 de novembro de 2008

O Pleno aproba a “Declaración do Grove”

 pasado luns 24 de novembro, o Concello en Pleno aprobou a chamada “Declaración do Grove”, a través dunha moción achegada pola Asociación da Memoria Histórica O Grove, e que recolle as conclusións das Xornadas “Lei da Memoria Histórica”  celebradas no Grove o pasado 25 de outubro. A moción foi aprobada cos votos a favor de Esquerda Unida, PSOE, BNG, PG e AMeca (10), e co voto en contra do Partido Popular (6).

martes, 25 de novembro de 2008

O noso corpo non ten prezo

Secretaría da Muller do Partido Comunista de España
25 de novembro, continúa a loita contra a violencia de xénero
A explotación sexual aféctanos ao conxunto das mulleres, do mesmo xeito que outras formas de violencia de xénero. A reivindicación dun mundo sen violencia, sen explotación sexual, en igualdade, é sen dúbida unha mensaxe prioritaria co que as mulleres debemos saír á rúa este próximo 25 de novembro.

mércores, 19 de novembro de 2008

Charla sobre o cambio climático na costa galega

Este venres, día 21 de novembro, o Concello do Grove, a través da Concellería de Xuventude que dirixe o edil comunista Xan Lamelas, presentará a charla “Cambio climático na costa galega”, que se impartirá no local social do Clube de Remo Mecos en Rons, ás 20:30 horas da tarde.

venres, 14 de novembro de 2008

15-N todos á rúa: a Crise que a paguen os capitalistas

Este sábado celebraránse concentracións contra a reunión do G-20 e a refundación do Capitalismo en todo o mundo e xa están convocadas en decenas de cidades españolas.
Lugar en Vilagarcía: Praza da Ravella
Data: 15 de novembro, sábado.
Hora: 17 Hs
Así mesmo esta convocatoria fai un chamamento a todos os cidadáns e didadás á participación na mesma.

mércores, 12 de novembro de 2008

Charla sobre o proceso de Boloña

bolonia
Este venres, día 14 de novembro, o colectivo territorial do Grove da Xuventude Comunista organizará unha charla sobre o coñecido proceso de Boloña de reforma do sistema educativo superior.
A Xuventude Comunista leva varios anos mobilizándose en contra deste proceso e do Espazo Europeo de Educación Superior, desde que no ano 2.000 se iniciaran en España os trámites para que no 2.010 este cambio sexa efectivo, primeiro coa Lei Orgánica de Universidades (a controvertida LOU do Partido Popular que levou a milleiros de estudantes a protestar nas rúas) e despois cos reais decretos publicados polo goberno do PSOE que camiñan cara a elitización, privatización e mercantilización da universidade.

venres, 24 de outubro de 2008

Xornadas Lei da Memoria Histórica

A Asociación pola Recuperación da Memoria Histórica do Grove infórmanos que por causas alleas á súa vontade, as xornadas de mañán, que se ían realizar no Cine Marino, cambian de ubicación, e pasarán a celebrarse na Casa de Cultura Manuel LueiroManterase o horario previsto así como o programa das mesmas.

domingo, 19 de outubro de 2008

Xornadas de debate sobre a Lei da Memoria Histórica

O vindeiro día 25 de outubro, celebrarase no Grove a Xornada Lei da Memoria Histórica, no Cine O Marino, organizada pola Asociación pola Recuperación da Memoria Histórica do Grove.

martes, 14 de outubro de 2008

Contra as medidas “contra” a crise do goberno do PSOE

A Xuventude Comunista manifesta a súa oposición ás medidas económicas anunciadas polo goberno para facer fronte á crise global que o neoliberalismo trae como principal consecuencia e ten profunda dimensión en España.

venres, 3 de outubro de 2008

Esquerda Unida anima a participar nas mobilizacións do 7 de outubro

Desde a Agrupación Local de Esquerda Unida no Grove, queremos animar ao maior número de traballadores a participar da Xornada Mundial polo Traballo Decente que se celebrará o vindeiro martes día 7. No noso país, a convocatoria é na cidade de Vigo, e terá comezo ás 20 horas.

EU critica as declaracións de Feijoo respecto ao caso das “listas bascas”

Desde a agrupación local de Esquerda Unida no Grove queremos solicitar ao Partido Popular, quen foi recentemente sancionado cunha multa de 61.101,21 € pola inclusión de varios veciños do Grove en listas do PP do País Basco sen o seu consentimento, a realizar un exercicio de responsabilidade ante esta situa­ción, e depurar aos responsábeis desta probada ilegalidade.

Hipotecas subprime

As hipotecas subprime, parte importante das causas desta nova crise capitalista, explicadas con humor.

domingo, 21 de setembro de 2008

Chamado á solidariedade con Cuba tras paso de furacáns

O portal Cubainformación ubicou, na súa cabeicera, unha lista de números de contas bancarias de diferentes países do mundo, para canalizar a solidariedade material ao pobo cubano, tralo paso dos devastadores furacáns Ike e Gustav. Esta lista actualizaráse diariamente. Para ver este listado, pincha aquí.

venres, 19 de setembro de 2008

Llamazares acusa á actual dirección do PP de “traizoar a todos os concellos, incluídos os que goberna, por impulsar no Senado un novo Consello de política financeira local”

O coordinador xeral e deputado de Esquerda Unida, Gaspar Llamazares, acusa ao Partido Popular de “traizón a todos os Concellos, tamén a aqueles gobernados polo PP”, por impulsar a aprobación, onte no Senado, da proposta de crear un novo Consello de Política Financeira Local, á marxe do Consello de Política Fiscal e Financeira, no que xa están representadas tamén as Comunidades Autónomas e a Administración Central.

mércores, 10 de setembro de 2008

O Consello Local da Xuventude avanza no calendario anual de actividades

Prensa:

O Consello Local da Xuventude avanza no calendario anual de actividades

O concelleiro de Xuventude, Xan Lamelas, dou a coñecer aos membros do CLX, as diferentes actividades xuvenís previstas para o que resta de ano, ademais do borrador das bases para o concurso do logotipo para o consello sectorial. A xuntanza, á que so asistiron Enxebre e Xuventude Comunista, serviu tamén para ver algunhas das propostas dos colectivos de cara a confección do calendario anual de actividades, previsto para o 2009.

xoves, 4 de setembro de 2008

Aprázase o Con Negro Paraxe Festival 2008

Desde a Asociación Cultural Con Negro infórmannos de que por mor das choivas previstas para esta fin de semana, na que se tiña pensado celebrar a IV edición deste festival grovense, as actuacións e actividades previstas para esta edición adíanse para a vindeira fin de semana, os días 12, 13 e 14 de setembro.
Polo tanto, xa sabedes, o IV Con Negro Paraxe Festival realizarase tal e como estaba previsto, pero os días 12, 13 e 14 nas inmediacións da praia de Con Negro.

venres, 29 de agosto de 2008

Meyer insta á UE a ratificar o convenio 188 da OIT para garantir unhas condicións de traballo dignas no sector pesqueiro

O eurodiputado de Esquerda Unida, Willy Meyer, propuxo hoxe a ratificación do Convenio sobre o traballo na pesca (Convenio188), elaborado pola Organización Internacional do Traballo en xuño do 2007.

martes, 26 de agosto de 2008

Os veciños da Estrada do Conde denuncian que a Deputación aínda non arranxou as deficiencias

Prensa:
Os veciños da Estrada do Conde denuncian que a Deputación aínda non arranxou as deficiencias
A Estrada do Conde é, sen dúbida, un dos viarios do Grove sobre os que máis tinta correu nos últimos anos. A obra, realizada pola Deputación Provincial, xerou tal cadea de despropósitos que seguen coleando moito tempo despois de que os traballos désense por finalizados oficialmente. Onte, os veciños afectados saíron á palestra. «Queremos denunciar á Deputación e ao seu presidente pola palabra incumprida», dicían estes veciños. En xuño do 2006, din, Rafael Louzán comprometeuse a cambiar á empresa para rematar a obra. Pero hai moitos danos e cuestións que quedaron pendentes. Os veciños explicaban onte algunhas desas carencias.

domingo, 24 de agosto de 2008

O Con Negro Paraxe Festival 2008 contará cun amplo programa de actividades

Prensa:

O Con Negro Paraxe Festival 2008 contará cun amplo programa de actividades


A mañá do venres presentouse no salón de plenos do Concello do Grove o IV Con Negro Paraxe Festival. Para este ano a organización volta a apostar polo formato de tres días con música ao vivo e numerosas actividades complementarias.

mércores, 20 de agosto de 2008

A Escola de Verán dá a coñecer o Acuario e o CIPES aos 130 nenos participantes

Prensa:
A Escola de Verán dá a coñecer o Acuario e o CIPES aos 130 nenos participantes
A Escola de Verán, na que participan uns 130 nenos grovenses, realiza hoxe unha nova excursión e actividade cultural ata Punta Moreiras, segundo indicaron onte desde as concellarías de Medio Ambiente e Xuventude, dirixidas pola socialista Noemí Outeda e o comunista Xan Lamelas, respectivamente.

mércores, 13 de agosto de 2008

A outra balanza fiscal. Notas apresuradas á mantenta dun debate patético

Javier Navascués
Cal é a balanza fiscal dunha clase social? Segundo a EPA (Enquisa de Poboación Activa) temos, polo menos, tres grandes grupos sociais en función da “situación profesional”: asalariados, empregadores e autoempregados (empresarios sen empregados e cooperativistas). Cantos impostos paga cada un destes grupos ao Estado? Canto reciben do Estado a cambio? As estatísticas oficiais non están feitas para ver estas cousas, pero mergullando un pouco nos números e combinándoos con algunhas hipóteses razoables chéganse a conclusións interesantes. Vexamos.

martes, 5 de agosto de 2008

mércores, 30 de xullo de 2008

Aprobadas as mocións en contra das 65 horas semanais e de modificación do regulamento do CLX

O Pleno do mes de xullo, celebrado o pasado día 28, aprobou por unanimidade as mocións defendidas polo concelleiro de Esquerda Unida Xan Lamelas, entre outros puntos da orde do día, sobre os que destaca a aprobación do anteproxecto de colectores da Estación Depuradora de Augas Residuais.

O Pleno aprobou o Anteproxecto de Sistema de Colectores e EDAR

Prensa:
O Pleno aprobou o Anteproxecto de Sistema de Colectores e EDAR
Na ultima sesión plenaria correspondente ao mes de xullo, celebrada este luns, aprobouse o Anteproxecto de Sistema de Colectores Xerais e nova Estación Depuradora de Augas Residuais en Laxe de Rons. Tamén se aprobou a posta a disposición dos terreos para o complexo deportivo de Monte da Vila, e para a instalación da antena Wi-max en Virxe das Mareas, entre outros asuntos, nun pleno de dúas horas de duración onde se aprobaron os dez puntos da Orde do Día.

xoves, 24 de xullo de 2008

Nova agresión aos dereitos sociais e laborais: a Directiva de ordenación do tempo de traballo

Delegación de IU no Parlamento Europeo – Mundo Obrero
Os impulsores da Europa neoliberal deron un paso máis ao aprobar o pasado 10 de xuño unha revisión da Directiva de ordenación do tempo de traballo que pretende ampliar a xornada laboral até 60, 65, ou 78 horas. Esta medida é a última dunha serie de decisións e iniciativas que atacan o Estado Social e de Dereito desenvolvido en Europa. Nesta primeira década do século XXI Europa sofre xa a aplicación dunha política comunitaria de privatización de servizos e desmantelamento do sector público: transportes, servizos postais, portuarios, ferroviarios, etc.

mércores, 23 de xullo de 2008

Campaña de apoio ao alcalde de Seseña

IU lanza unha campaña de solidaridade co alcalde de Seseña tras a querela de Francisco Hernando ‘el pocero’ pola que se esixe unha fianza de 133.333 euros. Esta é unha das seis accións xudiciais –tres delas xa arquivadas- emprendidas polo construtor contra o edil de IU, neste caso por un presunto delito de calumnias.

O Concello conta cun novo servizo de orientación laboral

O Concello do Grove, a través da Concellaría de Persoal, dirixida polo concelleiro de Esquerda Unida Xan Lamelas,  ben de contratar a unha asesora laboral coa finalidade de ofrecer un novo servizo aos veciños do Grove en materia de busca de emprego.

martes, 1 de xullo de 2008

Comeza a Escola de Verán para nenos de entre 3 e 12 anos

No día de hoxe, martes 1 de xullo, comezou a andar a Escola de Verán organizada polo Concello do Grove a través das Concellarías de Xuventude, que dirixe o comunista Xan Lamelas, e Educación, na cal participan máis de 120 nenos e nenas de entre 3 e 12 anos de idade.

domingo, 29 de xuño de 2008

A Asemblea local ratifica a negocicación mantida para saír da crise de goberno

Na tarde-noite do día 28, tivo lugar unha asemblea informativa para militantes e simpatizantes de Esquerda Unida – Esquerda do Grove. Na mesma déronse contas da reunión mantida o martes 17 entre os catro grupos de Goberno, PSOE, BNG, PG e EU-EG. Os compañeiros Xan Lamelas e Xan Caneda, representantes de EU-EG nesta xunanza, fixeron saber aos asistentes á asemblea do acordos alí tomados para superar á crise aberta no seo do Goberno Municipal. A asemblea durou máis de tres horas, nas cales interviñeron a maior parte dos presentes para mostrar o seu apoio ao concelleiro Xan Lamelas e ao outro representante na xuntanza, Xan Caneda.
A asemblea dou por boa a negociación do pasado martes xa que foi aceptada a única proposta sobre a mesa, a do noso grupo, a cal xa foi publicada nos medios de comunicación nos pasados días.

xoves, 26 de xuño de 2008

Os socios de goberno aceptan as peticións de EU para atallar a crise municipal

Nunha reunión realizada o martes 24 pola noite, os nosos socios de goberno (PSdG-PSOE, BNG e PG) aceptaron a nosa proposta para dar fin á crise de goberno que puxo en grave perigo a continuidade do cuadripartido.
Desde EU sempre nos amosamos fieis aos compromisos que adquirimos. Hai un ano, asinamos un pacto de goberno con uns contidos e unha filosofía coa finalidade de crear un goberno estábel para O Grove. Para nós o máis importante do acordo alcanzado, é que precisamente o goberno recupera ao pacto de goberno como elemento fundamental da nosa acción, tanto no seu contido como na súa filosofía ou espírito, e sobre todo, que o goberno, como debe ser, antepón os intereses dos veciños do Grove aos intereses partidistas.

sábado, 21 de xuño de 2008

Resolución da asemblea da agrupación local

A asemblea de EU-EdG de O Grove reunida no día de onte, 20 de xuño, acorodou ratificarse no espírito e na filosofía do Pacto de Goberno asinado hai agora un ano, así como no contido do mesmo e nos seus obxectivos. Ante a grave crise aberta polo Alcalde, o cal, no día de onte (venres), non foi confirmado nen desmentido o cesamento do Concelleiro de Persoal Xan Lamelas publicado nos medios de comunicación, e pola gravidade da situación, pedímoslle aos nosos socios de goberno, co Alcalde á cabeza, ou ben unha ratificación do publicado, por escrito e mediante decreto da alcaldía, o que interpretaríamos como unha expulsión do goberno por incumprimento reiterado do Pacto, ou ben unha rectificación. Neste caso, esiximos que se convoque con carácter urxente unha reunión das catro forzas políticas que formamos goberno coa finalidade de retomar a filosofía e obxectivos do Pacto como solución a esta crise. En caso de non ser así consideramos a nosa non continuidade no goberno municipal.

xoves, 19 de xuño de 2008

Resposta ao comunicado de Antón Mascato, concelleiro do BNG

Lamelas
Desde a Agrupación Local de Esquerda Unida, non podemos máis que expresar o noso abraio e repulsa ante a absoluta falta de responsabilidade política e lealdade ao goberno por parte do Bloque Nacionalista Galego, e en concreto do seu concelleiro Antón Mascato. Este grupo político debe aclararse: ou está no goberno, ou está na oposición. Unha cousa é certa: non se pode estar nas dúas partes.

mércores, 18 de xuño de 2008

Só 197 dos 672 eurodeputados dixeron NON á Directiva dos 18 meses

Europa camiña polos sendeiros da sinrazón. Esta é a Europa que pretenden construir os voitres do neoliberalismo (Directiva das 65 horas; Tratado de Lisboa -grazas Irlanda pola túa cordura; liberalización e privatización de servizos públicos;etc.): a negación do dereito humano de libre circulación de persoas; a criminalización e encarceramento de maiores e menores;….ISTO É UN AUTÉNTICO DISPARATE XENÓFOBO E RACISTA!!! ATA 18 MESES PRIVADOS DE LIBERDADE EN VERDADEIROS CAMPOS DE CONCENTRACIÓN!!!

xoves, 5 de xuño de 2008

Contra a ilegalización da KSM (Xuventude Comunista da Rep. Checa)

Fai dous anos o goberno checo decidiu ilegalizar a Unión de Xuventudes Comunistas (KSM) e todas as súas actividades. Agora queren ir máis aló, pondo á KSM fóra da lei.
Esta é unha medida antidemocrática que condena a unha organización xuvenil pola súa loita por un mundo xustos e pacífico, en oposición aos intereses dos poderes económicos e o militarismo do goberno checo, á beira da Unión Europea.

Aprovadas as propostas da Xuventude Comunista no Consello Local da Xuventude

Prensa:
Aprovadas as propostas da Xuventude Comunista no Consello Local da Xuventude
CLX

Na reunión mantida na tarde do sábado, os colectivos xuvenís decidiron, a instancias da Xuventude Comunista, traballar para que o 2009 conte con un calendario anual de actividades. Tamén aprobaron a creación dun boletín informativo, o concurso para crear un logotipo identificativo e a modificación dos estatutos do consello sectorial.

martes, 27 de maio de 2008

Os participantes nos cursos de formación do Concello reciben os seus diplomas

Prensa:
Os participantes nos cursos de formación do Concello reciben os seus diplomas
O concelleiro de Xuventude, Formación e Emprego do Grove, Xan Lamelas, fixo entrega esta tarde no salón de actos do concello dos certificados de asistencia dos cursos que se impartiron dentro da “Programación de cursos 2007-2008”, desenvolvidos polas súas concellarías.

domingo, 4 de maio de 2008

Lamelas responde ás acusacións de Pérez sobre a obra da escola unitaria de Ardia

En resposta á advertencia de Miguel Pérez realizada a través dos medios de comunicación sobre a posibilidade de que a reconstrución da antiga escola unitaria de Ardia sexa ilegal, desde a Concellería de Formación e Emprego queremos aclarar que:

Ante as verbas de Fernando Meis do PP sobre a situación do goberno municipal

O señor Meis ou ben confunde a política municipal co programa “Aquí hay tomate”, ou ben cre que a maneira de facer política é a de difundir bulos e sinsentidos que nada teñen que ver coa realidade. Tanto nun caso como noutro, a única conclusión que podemos tirar das súas declaracións é que o Partido Popular grovense padece tal incapacidade de propoñer alternativas e solucións aos problemas dos veciños, que só se lle ocurre inventar falsedades sobre as relacións entre os grupos que integran o goberno do Grove.

sábado, 3 de maio de 2008

A Mesa do Parlamento aborta a ofensiva de EU para reducir o límite electoral ao 3%

Prensa:
Considera que non pode tramitar a iniciativa lexislativa popular xa que a reforma afecta ao “desenvolvemento básico do Estatuto de Autonomía”.

xoves, 1 de maio de 2008

1º de Maio: Nen un paso atrás, non cedamos máis

POLA RECONQUISTA DOS DEREITOS LABORAIS E SOCIAIS
Hoxe, o capitalismo, nesta fase que coñecemos como neoliberalismo, vive grazas á súa acción destrutiva, á súa teima de esnaquizar os elos da cadea solidaria que convertera á clase traballadora nunha masa social informada, formada e crítica, capaz de artellar os movementos de reivindicación e contestar as prácticas egoístas da patronal.
Cada unha das conquistas do que se denominou Estado de Benestar foi debida a unha constante pelexa da clase traballadora e tamén debida á acción de sindicatos realmente comprometidos nesa tarefa.

sábado, 26 de abril de 2008

O Consello Local da Xuventude avanza na dinamización da actividade xuvenil

Prensa:
O Consello Local da Xuventude avanza na dinamización da actividade xuvenil
CLX
Os membros do Consello Local da Xuventude reuníronse esta tarde por segunda vez do que vai de mandato; aprimeira reunión realizouse á instancias do concelleiro de xuventude, Xan Lamelas, o pasado mes de marzo, na que decidiron reunirse cada mes. Á convocatoria de hoxe asistiron representantes de Enxebre, Galiza Nova, Xuventudes Comunistas e Novas Xeracións.

A xuventude Comunista levará varias mocións ao Consello Local da Xuventude

Prensa:
A xuventude Comunista levará varias mocións ao Consello Local da Xuventude
O colectivo territorial de O Grove da XCG asistirá mañá á convocatoria do Consello Local da Xuventude con 4 propostas a modo de mocións. Os comunistas apostan pola creación de un calendario anual de actividades de ocio e tempo libre así como pola edición de un boletín informativo da Concellería de Xuventude que recolla toda a información de interese para a mocidade de O Grove.

mércores, 23 de abril de 2008

Membros de EU interrompen o pleno con consignas para esixir a reforma da lei electoral

Pancarta Parlamento Galego
Unha vintena de membros de Esquerda Unida, encabezados pola súa coordinadora nacional, Yolanda Díaz, estivo no Pleno do Parlamento de Galicia coa intención de protestar pola existencia dunha mala Lei Electoral e, en concreto, pola porcentaxe do 5 % que marca o teito electoral, teito que estableceu Manuel Fraga, cando gobernaba con maioría absoluta. Unha mostra máis da connivencia deste goberno para coas accións da Dereita e do seu carácter continuista.

domingo, 20 de abril de 2008

Esquerda Unida defende unha xestión pública e eficaz do servizo municipal de limpeza

Varredor
Desde a Agrupación Local de Esquerda Unida de O Grove, queremos amosar unha vez máis o noso rexeitamento á medida proposta polo Partido Galeguista de externalizar o servizo de limpeza e recollida de lixo no noso Concello. Entendemos que a obriga da administración pública municipal é ofrecer servizos aos cidadáns, e a limpeza é fundamental, e que estos servizos deben ser o mellor posíbeis. Polo tanto, estamos de acordo en que hai que mellorar a limpeza do noso Concello, é algo que salta á vista, mais discrepamos no xeito de facer isto que se nos propón.

xoves, 17 de abril de 2008

O meco Rubén Domínguez presenta mañá a súa curta “Funeral Afónico”

Prensa:
O meco Rubén Domínguez presenta mañá a súa curta “Funeral Afónico”
Diario de Arousa REDACCIÓN > O GROVE
O cineasta grovense Rubén Domínguez presentará mañá na terra que o veu nacer o seu traballo fin de carreira, unha curtametraxe titulada “Funeral Afónico” que se estrenará a partir das dez da noite no Cine O Mariño. A obra ten uns vinte minutos de duración e foi gravada en espazos como Sober, en Lugo; Rouxique en Sanxenxo e, como non podía ser doutro xeito, a parroquia de San Vicente do Grove. O documento visual parte dunha transgresora maneira de mirar moi influenciada polo surrealismo de André Breton e con pinceladas de artistas como Luis Buñuel ou o propio Carlos Velo.

luns, 14 de abril de 2008

Por unha xustiza reparadora, pola III República

O 14 de abril de 1931 a ilusión comezaba a abrirse paso nunha España caduca, dominada polas estruturas caciquís, pola incontestable intromisión dunha Igrexa Católica ben apoiada unha clase dirixente e elitista acomodada, por un exército corporatista e intervencionista, que un ano antes, en 1930, amosara a súa preferencia pola Monarquía e que reflictiría no 36 o seu verdadeiro carácter ao apoiar o golpe de estado.

sábado, 12 de abril de 2008

Charlas de emprego nos institutos de O Grove

A partir da vindeira semana, o Concello do Grove, a través das Concellarías de Xuventude, Formación e Emprego dirixidas polo edil de Esquerda Unida Xan Lamelas, impartirá charlas no IES As Bizocas e IES Monte da Vila a cargo do Técnico Municipal de Emprego, en colaboración cos servizos de orientación destes centros educativos.

mércores, 9 de abril de 2008

Actividades xuvenís dende a concellería que dirixe Xam Lamelas

Prensa:
Xuventude oferta una amplia oferta de talleres y otras actividades desde abril a junio
La Voz de Galicia
La concejalía de Xuventude de O Grove ha diseñado un amplio programa de actividades para esta primavera. Para el segmento de juventud de 12 a 16 años se ofrecerán los sábados, de 11.00 a 13.00 horas, talleres de cuero, reciclaje, fieltro y otras disciplinas, en el edificio de usos múltiples. El 12 de abril se realizará un taller de cuentacuentos; el 19 de abril, un taller de juegos teatrales y de tiempo libre, y el 10, 24 y 31 de mayo será el turno de las manualidades.

mércores, 2 de abril de 2008

A Concellería de Xuventude prepara diversas actividades

A Concellería de Xuventude, dirixida polo edil de Esquerda Unida Xan Lamelas, está a ultimar os detalles da programación de actividades para a mocidade para as vindeiras semanas de abril e maio. Estas actividades foron presentadas polo concelleiro ás distintas asociacións xuvenís no último Consello Local da Xuventude, entre as que se atopan obradoiros, cursos, xogos e excursións.
Lamelas agarda facer público o programa de actividades o antes posíbel, xa que só faltan por solucionar pequenos detalles.

Curso de xardinería para persoas con discapacidade psíquica

A Concellería de Formación e Emprego, dirixida polo edil de Esquerda Unida Xan Lamelas, informa da posta en marcha dun curso de xardinería  para persoas don dispacacidade psíquica dentro do marco do convenio entre o Concello do Grove e a Asociación BATA.

sábado, 15 de marzo de 2008

Reuniuse o Consello Local da Xuventude

Hoxe, sábado 15 de marzo, celebrouse a primeira xuntanza deste mandato do Consello Local da Xuventude nas dependencias da Casa do Concello do Grove.
Nesta xuntanza estiveron presentes as asociacións xuvenís Enxebre, Xuventude Comunista, Galiza Nova e Novas Xeracións, estando representadas cada unha por dous membros, excepto NNXX, que optaron por enviar a un só representante.

venres, 7 de marzo de 2008

8 de marzo: esixindo realidades

Este 8 de marzo debería presentarse con maiores espectativas, pero non é así, por iso as mulleres de ESQUERDA estamos ESIXINDO REALIDADES. Vémonos inmersas na dinámica dun goberno que fala en demasiadas ocasións en nome das mulleres sen consultarnos. Introduciu na axenda política leis que non significan o que esperabamos nas condicións de vida das mulleres.

xoves, 6 de marzo de 2008

Esquerda Unida pide a rectificación na supresión da Tarifa Nocturna

AS COMPAÑÍAS ELÉCTRICAS, co apoio do Goberno, van a eliminar en Xullo a “tarifa nocturna”, que é unha obriga contraída mediante contrato cos seus clientes. Por este incumprimento non só non nos compensan senón que conseguen – cómo non – que pasemos a pagar máis no cosumo e que, de paso, corramos os usuarios coa boa parte dos gastos das modificacións no voltaxe que esas empresas deben garantir no seu negocio ante o aumento do uso da enerxía eléctrica e para evitar os “apagóns” e as caídas de tensión.

Voto útil, voto inútil

Vídeo realmente gráfico que explica como o chamado voto útil pode chegar a beneficiar á dereita representada polo PP, en troques de reforzar á esquerda, a quen acaba perxudicando restando deputados a IU.

mércores, 5 de marzo de 2008

10 razóns para votar IU

Para os que non viñéchedes ao mitin que celebramos o domingo no cine, ou simplemente para os que non tedes claro o voso voto, ou non coñecedes as propostas programáticas de IU e o seu papel durante a última lexislatura, lede as 10 razóns para votar IU segundo Carlos Jiménez Villarejo, ex-fiscal anticorrupción cesado forzosamente do seu posto polo PP.

luns, 3 de marzo de 2008

Esquerda Unida pide o “verdadeiro voto útil” no mitin celebrado no Grove

Prensa:
Esquerda Unida pide o "verdadeiro voto útil" no mitin celebrado no Grove
Redacción Todogrove.com
No mitin celebrado esta mañá no cine O Marino e ante 70 persoas, interviñeron Juan José Guirado, cabeza de lista por Pontevedra ao Parlamento, Patricia Rey, número dous, e os concelleiros de EU en Vilagarcía e O Grove, Juan Fajardo e Xan Lamelas.

sábado, 1 de marzo de 2008

Mitin de campaña no Cine O Marino

Este domingo día 2 de marzo, Esquerda Unida realizará o seu mitin de campaña en O Grove no Cine O Marino ás 12 horas. Neste acto intervirán os cabezas de lista de EU pola provincia de Pontevedra, Juan José Guirado e Patricia Rey, ademais dos concelleiros de EU en O Grove e Vilagarcía Xan Lamelas e Juan Fajardo.

domingo, 24 de febreiro de 2008

sábado, 23 de febreiro de 2008

A Concellería de Formación e Emprego realizará un curso gratuíto de prevención de riscos laborais

Prensa:
A Concellería de Formación e Emprego realizará un curso gratuíto de prevención de riscos laborais
La Voz de Galicia 
El Concello de O Grove, a través de la concejalía de Xuventude, Personal e Emprego ha organizado un curso de formación para trabajadores autónomos sobre prevención de riesgos laborales.

venres, 22 de febreiro de 2008

O 9-M vota Esquerda Unida

O vindeiro 9 de marzo, os cidadáns do Estado Español estamos chamados a votar para elexir aos membros do Congreso e do Senado. Esquerda Unida preséntase a estas eleccións cun programa auténtico de esquerdas, no que se priman os intereses dos traballadores, os dereitos sociais, os servizos públicos e unha política fiscal progresiva que beneficie aos que menos teñen.

martes, 12 de febreiro de 2008

Privatización de servizos públicos

Sempre se utilizou como pretexto para privatizar (ou como gusta decir os gurús das privatizacións, externalizar) os servizos públicos, a eficacia dunha xestión privada, pero esto non é certo, a vista de todos está. Un servizo público pode ser igual ou máis eficaz que un privado, pero para elo necesita xestores preocupados na súa xestión, máis dotación económica, a mesma que se lle dá sen reparos ás empresas privadas e que se tería que investir na ampliación das plantillas de persoal, en modernizar a maquinaria, vehículos, etc., e non abandonándoo á súa sorte para desprestixialo ante a opinión pública e logo xustificar así, a súa posterior privatización. Entón por qué se privatiza?. Básicamente por dúas razóns:

domingo, 3 de febreiro de 2008

Esquerda Unida elixe aos candidatos e candidatas para o Congreso e o Senado

O sábado 26 de xaneiro de 2008, o Consello Político Nacional ratificou as candidaturas para as eleccións a Cortes Xerais para o Congreso dos Deputados e para o Senado. As candidaturas foron ratificadas por unanimidade e están encabezadas por Manuel Peña-Rey (Ourense), Juan José Guirado (Pontevedra), Isabel Sánchez (Lugo) e Xabier Ron (A Coruña).Trátase de listas que procuran conxugar novos rostros con caras xa coñecidas da vida política galega. Procurouse, asi mesmo, manter un criterio de proporcionalidade e territorialidade xeográfica. As persoas que integran o grosso das candidaturas para o Congreso dos Deputados e para o Senado daranse a coñecer aos medios e á cidadanía nun acto público que terá lugar o venres 8 de febreiro nun hotel de Compostela ás 12h.

domingo, 6 de xaneiro de 2008

O festival ‘Ogrobe Rocks’ confirma a boa saúde da creación musical grovense

Prensa:
O festival ‘Ogrobe Rocks’ confirma a boa saúde da creación musical grovense
Cinco grupos locais actuaron a pasada noite no café concerto TNT, ante un público con gañas de pasar un bo rato. Sobre o escenario pasou unha nutrida representación do que está a levar a cabo a nivel musical, a mocidade da vila. O festival contou co patrocinio e colaboración da Concellalia de Xuventude que dirixe Xan Lamelas.
Redacción todogrove.com