Prensa:
Os veciños da Estrada do Conde denuncian que a Deputación aínda non arranxou as deficiencias
A Estrada do Conde é, sen dúbida, un dos viarios do Grove sobre os que máis tinta correu nos últimos anos. A obra, realizada pola Deputación Provincial, xerou tal cadea de despropósitos que seguen coleando moito tempo despois de que os traballos désense por finalizados oficialmente. Onte, os veciños afectados saíron á palestra. «Queremos denunciar á Deputación e ao seu presidente pola palabra incumprida», dicían estes veciños. En xuño do 2006, din, Rafael Louzán comprometeuse a cambiar á empresa para rematar a obra. Pero hai moitos danos e cuestións que quedaron pendentes. Os veciños explicaban onte algunhas desas carencias.
A primeira é que «hai máis de cincuenta metros sen asfaltar desde Terra de Porto cara á Estrada do Conde». Ademais, din, «quedan entradas de garaxes que non se arranxaron», e cuxos propietarios seguen tendo que utilizar madeiras e placas de todo tipo para poder meter e sacar o seu vehículo nese recinto.
Fachadas gretadas
As fachadas dalgunhas casas, continúan os afectados, seguen presentando as cicatrices deixadas por aquela obra. Unhas cicatrices que fai xa tempo deberían ser corrixidas e tapadas. Por se iso fose pouco, os veciños seguen soportando uns terribles cheiros provocados pola rede de rede de sumidoiros.
Ata aí, a listaxe de incomodidades. A partir de aí, os perigos advertidos polos veciños: «as tubaxes eléctricas seguen enterradas a quince centímetros. ¿A que se espera? ¿A que haxa algunha desgracia?». Os veciños pregúntanse por que teñen que sufrir semellantes problemas, dos que culpan ás «políticas sen razón do señor presidente da Deputación», ao que preguntan se «seica a razón de todo isto será que no ano 2007 o PP perdeu a alcaldía do Grove».
Ningún comentario:
Publicar un comentario