mércores, 20 de novembro de 2013

La oposición critica que el presupuesto de 2014 vaya a Pleno sin consensuar

PRENSA - Diario de Arousa

Teresa Miñán.- Los grupos de la oposición han mostrado su malestar con el gobierno local por la falta de consenso y de diálogo antes de aprobar en Pleno el presupuesto para el año 2014, así como por el adelanto de la sesión plenaria.

El portavoz socialista, José Antonio Cacabelos, criticó en la jornada de ayer que “no se ponen de acuerdo en un año para aprobar un presupuesto para 2013 y ahora meten el de 2014 en un Pleno el jueves, dándonos menos de una semana para verlo. No tiene ni pies ni cabeza”.  Y es que los socialistas aseguran que en los días que les ha dado de margen el gobierno apenas les dará tiempo de leer el presupuesto y añaden que “sin verlo con detenimiento no lo vamos a aprobar”.

Xan Lamelas, edil de Esquerda Unida, y Heladio Outeiro, concejal del BNG, también mostraron su disconformidad con la manera de proceder del gobierno local y lamentaron la falta de consenso y el poco tiempo del que disponen para analizar el documento más importante del Concello, tal y como el propio edil de EU transmitió al alcalde en la jornada del lunes.

Al parecer, el regidor justificó la falta de consenso recordando a los ediles de la oposición que en el anterior mandato sus propias agrupaciones habían utilizado esta técnica.

El socialista José Antonio Cacabelos recordó, en relación con la aprobación del documento económico, que desde el PSOE se ofrecieron en más de una ocasión a llevar a  Pleno un documento consensuado con el gobierno: “Solo pedíamos sentarnos a discutir, no pedíamos más. Pero prefieren ser chantajeados por Filgueira antes que sentarse con nosotros”.

En relación con el adelanto de la sesión plenaria el socialista explicó que algunos concejales tienen programadas actividades laborales para el jueves y aseguró que las formas empleadas por el gobierno no han sido las correctas y que con este panorama “dan ganas de no ir al Pleno”.

José Antonio Cacabelos también destacó que está seguro que algunos de los miembros del gobierno local no comparten cómo se están haciendo las cosas: “Estarán pasando vergüenza y deseando que el trámite pase desapercibido”.

De hecho, alguno de los integrantes del gobierno desconocía el lunes que se había tomado la decisión de adelantar la sesión plenaria a este jueves, algo que para la oposición es una muestra más de la desunión existente.
Por otra parte, el hecho de cambiar la fecha de celebración del Pleno ha hecho que todos los plazos se hayan adelantado, por lo que son cinco las mociones que han quedado fuera del Orden del Día, cuatro del BNG y una de EU.

Sobre este punto, Xan Lamelas explicó que en la Comisión Informativa del lunes pidió la inclusión de su moción en el Orden del Día como una propuesta sin dictaminar para poder debatirla, aunque para ello necesitaría el apoyo de la mayoría de la Corporación, por lo que solo se trataría en caso de que el gobierno lo estimase oportuno.

xoves, 14 de novembro de 2013

Ante a adicación exclusiva de Aida Filgueira e o orzamento de 2.014


O Grove, 14 de novembro de 2013.- Desde a Asemblea Local de Esquerda Unida do Grove, queremos amosar o noso rexeitamento á proposta que se debatirá no pleno deste mes de conceder a adicación exclusiva á tenente de alcalde Aida Filgueira.
As incongruencias nesta materia por parte do tripartito veñen sendo constantes desde que formaron goberno. Se ben estando na oposición, tanto Miguel Ángel Pérez como Aida Filgueira criticaban o gasto en adicacións do anterior goberno cuatripartito por consideralas innecesarias e excesivas, vimos como propuxeron sen ruborizarse a liberación total ou parcial xa non de tres concelleiros como era anteriormente, senon de nove. Tentaron xustificar esta medida afirmando que o gasto sería menor, cuestión que se revelou falsa, e máis agora, co aumento da adicación da señora Filgueira de media xornada a xornada completa, aumentando o gasto en órganos de goberno respecto do mandato anterior en varias decenas de miles de euros anuais, sen contar asesores e demais persoal afín contratado para contento dos socios do PP.
Mais o problema que vemos desde Esquerda Unida non é que haxa xente cobrando por adicarse á xestión municipal, senon en como se fai este gasto e cales son os criterios utilizados. A inutilidade da señora Filgueira como concelleira é manifesta. A súa xestión á fronte das concellerías que ten delegadas e que vendeu como un logro importante cando asinou o pacto de goberno é practicamente nulo, como quedou en evidencia na súa comparecencia ante o pleno na que extendeu a máis de unha hora o seu relato de exposicións itinerantes, iniciativas de outros concelleiros, ou actividades que se realizan desde hai anos no Concello como logros da súa xestión.
Pero non é todo. Parece ser que os seus propios compañeiros de goberno están molestos coa proposta da señora Filgueira. Eles mesmos se dan conta de que non aporta nada ao goberno máis que un voto nos plenos, e ademais haberá que restar recursos de algunha outra parte para poder dar cumprimento aos desexos da concelleira de Alternativa Meca para dar solución á súa situación profesional. E é neste punto no que se demostra outra das mentiras deste goberno, a unidade e a cohesión. Un goberno con maioría absoluta, que presume de unidade de acción e de obxectivos claros, non foi quen de aprobar os orzamentos deste ano 2013, ano no que se tivo que traballar cos orzamentos prorrogados de 2012. E vemos agora, tras o ultimátum de Filgueira, como se pretende levar a aprobación o orzamento de 2014 no que se recollerá a adicación exclusiva da tenente de alcalde. Un orzamento sen debate, a pesares de que Alternativa Meca propuxo a participación popular na súa elaboración, e no que nen tan sequera participou a corporación local.


Asemblea Local de Esquerda Unida
O Grove, 14 de novembro de 2013

luns, 11 de novembro de 2013

AGE ofrece a Louzán debater sobre as irregularidades da Deputación de Pontevedra.

AGE recolle a luva de Rafael Louzán para debater en profundidade as irregularidades na xestión na Deputación de Pontevedra. O presidente do ente provincial lamentou onte na súa comparecencia no Parlamento de Galicia non dispor de tempo para debater co deputado Juan Manuel Fajardo sobre a situación do ente provincial.

O deputado de Alternativa Galega de Esquerda, Juan Manuel Fajardo, respondeu á proposta do presidente da Deputación de Pontevedra, Rafael Louzán, feita na súa comparecencia no Parlamento de Galicia para explicar os orzamentos para o vindeiro ano e na que lamentou non dispoñer de tempo suficiente para debater co deputado de AGE sobre todas as cuestións relativas a situación do ente provincial pontevedrés. Recollendo a luva lanzada por Louzán, o deputado Juan Manuel Fajardo enviou unha carta hoxe mesmo ao presidente da Deputación de Pontevedra na que o convidaba a facer realidade este encontro e deste xeito poder tratar con máis detemento o longo listado de irregularidades sinaladas polo seu grupo parlamentar dando a oportunidade ao responsable do ente provincial a aclarar e xustificar unha a unha todas as denuncias realizadas por AGE.

Así, o deputado Juan Manuel Fajardo sinalou o aeródromo de Godos en Caldas de Reis como o lugar máis axeitado para levar a cabo este debate xa que constitúe unha das probas máis palpables da xestión irregular que está a levar a cabo a deputación provincial de Pontevedra e no que se están a executar unhas obras de acondicionamento da pista de despegue e aterraxe para o seu posterior asfaltado con persoal e maquinaria da Deputación sen estar dado de alta o centro de traballo nin contar con partida orzamentaria algunha para ás mesmas. O deputado de AGE lembrou que se trata dun aeródromo ilegal xa que non dispón do trámite medio ambiental necesario que se atopa paralizado no Ministerio nin coa autorización por parte da axencia de seguridade aérea para o emprego das construcións nin para a posta en marcha da actividade por motivos de seguridade. Por todas estas circunstancias, Alternativa Galega de Esquerda considera o aeródromo de Caldas de Reis como o escenario perfecto para que o presidente da Deputación de Pontevedra dea resposta as manifestas irregularidades da súa xestión, comezando polas obras deste aeródromo.

xoves, 7 de novembro de 2013

Participa na Asemblea Comarcal de Esqueda Unida en Arousa

INVITACIÓN

Vilagarcía de Arousa, a 2 de Novembro de 2013

Estimad@ compañeir@ , camarada:
Os ataques contínuos do Pariído Popular, co apoio do Partido Socialista, aos dereitos e liberdades da xente do común xa hai tempo que teñen efectos visibles na nosa comarca. Para loitar contra eses ataques necesitaremos articular un equipo de xente comprometida para loitar contra o paro, a reforma laboral, a reforma das pensións, carestía da vida (subidas nos prezos da luz, da auga, da gasolina...), contra a privatización da sanidade e do ensino público, rescate da banca e liquidación das caixas de aforro, subidas de impostos...
Como coordinador comarcal de Esquerda Unida na Arousa teño o pracer de convidarte a participar na nosa Asemblea Comarcal, o vindeiro 9 de Novembro de 2013 ás 10 da mañá, na Sala de Conderencias do Auditorio Municipal de Vilagarcía de Arousa. Asemblea na que procederemos á renovación do noso Consello Político Comarcal, seguindo a seguinte orde do día:
1.            Intervención de representantes dos colectivos políticos, sindicais e sociais.
2.            Turno aberto de palabra para os asistentes. Proposta para á alternativa.
3.            Informe de xestión e balance.
4.            Elección do Consello Político Comarcal.

Contamos coa túa participación. 

Ramón Bueno
Coordinador Comarcal de Esquerda Unida en Arousa

xoves, 24 de outubro de 2013

24O Folga Xeral no ensino



O vindeiro xoves 24 de outubro, está convocada unha folga xeral no ensino contra a contrarreforma educativa do

PP.

Esquerda Unida une a súa voz á gran maioría da comunidade educativa para esixir a retirada do proxecto da LOMCE. Ante unha lei imposta, sen debate previo e de costas á comunidade educativa, unha lei mercantilista xa que somete a educación a intereses economicistas onde tamén inclúe aos “axentes privados” como parte do sistema educativo.

A executiva nacional de Esquerda Unida manifesta que esta contrarreforma serve para seleccionar futuras elites dirixentes, excluíndo a quen precisa máis apoio, restaura itinerarios segregadores e suprime competencias da comunidade educativa na xestión de centros. Está é a imposición dun goberno que goberna para unha minoría interesada en restaurar a mala educación do pasado.

Ramón Vázquez deputado de AGE e membro da área de educación de EU, manifesta que “a crise é a escusa para privatizar e desmantelar o sistema educativo, é unha vontade política o feito de rescatar a bancos mentres se recorta en servizos públicos”. O PP facendo seguidismo das políticas antipersoas, insiste e colabora activamente na degradación da escola pública, para elo entre o peche de centros no rural, repago de comedores escolares, menosprezo da lingua, descenso do profesorado de apoio, etc. Con todo isto o PP pretende que só poidan estudar aqueles que teñan con que pagar, a educación deixa de ser un dereito para ser un privilexio.

Por todo isto, Esquerda Unida fai un chamamento á participación nas mobilizacións previstas para o 24 de outubro, e que tamén dende a rúa loitemos polos nosos dereitos, por unha educación pública, laica e de calidade.

O PP comprométese con AGE a reparar a cuberta do pavillón do CEIP Rosalía de Castro de O Grove cun investimento de 40.000 euros


O deputado Ramón Vázquez presentou unha iniciativa en comisión na que se instaba á Xunta de Galicia a asumir os seus compromisos e levar a cabo as urxentes obras de acondicionamento no centro.


Santiago de Compostela, 23 de outubro de 2013.- 

Alternativa Galega de Esquerda levou a comisión parlamentar unha iniciativa na que se esixía á Xunta de Galicia a realización das obras de mantemento e acondicionamento que precisa de xeito urxente o CEIP Rosalía de Castro de O Grove e que lembran foron comprometidas por parte da Consellería de Educación cos responsables do centro que como tantas outras promesas do goberno galego están sen cumprir. O Partido Popular pese a non apoiar co seu voto esta iniciativa alegando que era algo que xa estaba previsto facer, comprometéronse en sede parlamentar a reparar a cuberta do pavillón do centro unha das principais reivindicacións da comunidade educativa xa que o estado actual do mesmo impide o seu uso nos días de choiva. 

O deputado de AGE, Ramón Vázquez, sinalou na súa intervención a necesidade de que o goberno galego cumpra coas súas promesas e obrigas e realice canto antes as obras de reparación dos baños do colexio xa orzamentadas pero aínda sen executar entre as que se suman outras actuacións como o arranxo da fachada do edificio ou a colocación dos elementos precisos para a adaptación do centro educativo á normativa de seguridade e prevención de riscos actual. 

Ante o compromiso formulado por parte do PP na comisión de Educación, o deputado de AGE, Ramón Vázquez, manifestou a súa intención de vixiar que o Partido Popular, desta volta, si cumpra as súas promesas e acometa as obras comprometidas.   




 

martes, 15 de outubro de 2013

Galicia contra a Troika


Este próximo sábado, día 19 de outubro, terá lugar o acto "Galicia contra a Troika", organizado por Esquerda Unida ás 10 horas na Faculdade de Ciencias Empresarias no Campus Norte da Universidade de Santiago de Compostela.

Neste acto tomarán a palabra o economista e deputado de IU Alberto Garzón, o economista de Comisións Obreiras Manuel Lago e o profesor de economía aplicada na Universidade de Vigo Xosé Carlos Arias.

luns, 23 de setembro de 2013

Ayda Filgueira comparecerá en Pleno trala petición de Xam Lamelas

Diario de Arousa. 
22 de setembro de 2013

Lamelas pedirá que Filgueira explique “por que traicionou aos seus votantes e sostén ao PP no goberno do Grove”

La Corporación de O Grove vivirá el jueves una sesión plenaria ordinaria en la que la mayor parte del orden del día se ciñe a la actualización de diversas tasas.
Sin embargo, la parte de mayor interés estará en uno de los últimos puntos, la comparecencia política de la teniente de alcalde Ayda Filgueira, a petición de Esquerda Unida, que ya había presentado una moción solicitando que la portavoz de A Meca explicase su gestión, antes del verano.

luns, 29 de xullo de 2013

EU solicita información sobre a contratación de socorristas e pagos a Protección Civil.

O Grove, 29 de xullo de 2013.- Ante as últimas denuncias sobre as supostas irregularidades no proceso de contratación do personal de socorrismo no noso concello, na que os denunciantes afirman que se contrataron persoas non cualificadas, que non existe unha lista de puntuacións e que na mesa de contratación había unha voluntaria de Protección Civil, o noso concelleiro Juan Lamelas ven de presentar unha solicitude por rexistro na que reclama que nos sexa entregada unha copia do expediente do proceso de selección dos socorristas do presente ano e un informe do secretario sobre a legalidade do mesmo, co propósito de comprobar como se desenrolou o proceso e as irregularidades denunciadas.

venres, 5 de xullo de 2013

O Grove habilita dúas praias para cans grazas á iniciativa de EU

Foto www.mundoperros.com
O concello do Grove contará, dende mañá, con dous areais nos que estará permitido o acceso de cans. As praias habilitadas serán a de Con da Corva e Canelas, ambas nas proximidades da batería en San Vicente. 

Nunha primeira instancia, a ordenanza de praias prohibía a presenza de animais en todos os areais grovenses durante a tempada de baño pero, grazas a unha proposta de Esquerda Unida, o concello incluíu na mesma a posibilidade de habilitar praias nas que estivera permitido o acceso a cans. Esta posibilidade foi confirmada pola corporación no pleno do mes de abril, no que se aprobou por unanimidade unha moción de Esquerda Unida na que se solicitaba a "habilitación dun areal ou zona marítima na que se permita a entrada de cans en tempada de verán" entre outras peticións. [ver moción]

PRENSA:

O Concello habilitará dúas praias para cans na zona de San Vicente - See more at: http://www.todogrove.com/index.php?option=com_content&task=view&id=7062&Itemid=1#sthash.xVrbOw7w.dpuf
O Concello habilitará dúas praias para cans na zona de San Vicente - See more at: http://www.todogrove.com/index.php?option=com_content&task=view&id=7062&Itemid=1#sthash.xVrbOw7w.dpuf
O Concello habilitará dúas praias para cans na zona de San Vicente - See more at: http://www.todogrove.com/index.php?option=com_content&task=view&id=7062&Itemid=1#sthash.xVrbOw7w.dpuf
O Concello habilitará dúas praias para cans na zona de San Vicente - See more at: http://www.todogrove.com/index.php?option=com_content&task=view&id=7062&Itemid=1#sthash.xVrbOw7w.dpuf

venres, 28 de xuño de 2013

Esquerda Unida ante a expulsión do pleno do noso concelleiro Xan Lamelas

NOTA DE PRENSA

O Grove, 28 de xuño de 2.013.- Desde que o goberno tripartito que dirixe actualmente O Grove tomara posesión hai agora dous anos, vén sendo unha constante en todas as sesións plenarias o desprezo e o entorpecemento do labor dos concelleiros da oposición. O alcalde Pérez e algúns membros do seu goberno, como o señor Bea ou o señor Callón, teñen por costume interromper as intervencións dos concelleiros que realizan a súa función fiscalizadora do goberno e a presentación de propostas e iniciativas que consideran oportunas para os intereses dos veciños e veciñas d’O Grove.

Realizouse o primeiro Acollemento Civil no Grove

No pleno do 31 de maio do 2012, Esquerda Unida presentou unha normativa reguladora para que o Concello do Grove puidera levar a caboAcollementos Civís. Logo de seis meses no caixón do Concello, o Goberno decidiu levar a normativa (sen apenas modificacións sobre a que presentamos) a súa aprobación inicial no pleno do mes de novembro, que foi aprobada por todos os concelleiros da corporación coa excepción de Carlos Otero que preferiu absterse.

Unha iniciativa de Esquerda Unida que non tardou en dar os seus froitos, xa que o pasado domingo 24 de xuño cando os pais do pequeno Jairo Benavides fixeron uso desta normativa para realizar o primeiro acollemento civil do Grove e da comarca do Salnés. 



xoves, 20 de xuño de 2013

A Galería Besada acolle este sábado a estrea dun libro colectivo sobre Lueiro Rey.

Prensa. Todogrove.com.- Medio cento de autores participan cos seus textos en Manuel Lueiro Rey (1916-1990). A liberdade ferida, un libro de Edicións Xerais coordinado polo profesor e crítico literario Ramón Nicolás que este sábado ás 20.00 horas será presentado na Galería Besada. 

mércores, 19 de xuño de 2013

Comunicado conxunto EU-Anova respecto das obras no CEIP Rosalía de Castro d'O Grove.


Desde as asembleas locais de Esquerda Unida e Anova Ogrobe, queremos denunciar a actitude do alcalde Miguel Ángel Pérez respecto das obras que a Xunta de Galicia se comprometera a realizar no CEIP Rosalía de Castro. Pérez amósase neste caso como un anano político, incapacitado para representar os intereses do pobo d'O Grove. Se hai un par de semanas asumía como propia xunto ao resto de grupos políticos da corporación a solicitude da ANPA para que se realizaran as obras da terceira fase no CEIP Rosalía de Castro, observamos atónitos como a semana pasada se plegaba sen fisuras ao discurso da Xunta do PP de non realizar estas obras, incluso xustificando esta decisión política da administración autonómica.

martes, 4 de xuño de 2013

Rogos e preguntas no Pleno do mes de maio.

No pleno do mes de xuño, a nosa agrupación formulou unha serie de rogos e preguntas ao goberno local. Interesámonos polo estado do parque de Terra de Porto, que estivo pechado ao público tralas denuncias por supostas descargas eléctricas. Tamén nos preocupamos polo estado do pavillón tralo torneo de dardo, no que se serviu alcohol sobre a pista. A polémica intersección da Avenida Portugal e o Punto limpo tamén foron obxecto das nosas preguntas, así como a situación da concellería de Cultura que dirixe Carlos Otero, ao cal lle formulamos unha serie de cuestións relacionadas coas súas declaracións na prensa. A maioría foron contestadas polo executivo local e incluso o concelleiro de Cultura se dignou a responder, aínda que parece que se esqueceu de moitas das preguntas realizadas.

xoves, 16 de maio de 2013

17 de maio. Día da lingua galega. A língua que nos une.

Descarga o manifesto de Esquerda Unida para o 17 de maio.

17 DE MAIO. DÍA DA LINGUA GALEGA. A LINGUA QUE NOS UNE

A lingua galega vive tempos difíciles. Tan difíciles coma o pobo que a fala: escurecidos polas malas políticas dun goberno de dereitas que fuxe das súas responsabilidades e que nos somete a un constante e continuado proceso de recortes, de vulneración de dereitos, de ataques á nosa dignidade.

mércores, 8 de maio de 2013

EU presenta unha moción contra a LOMCE


Descargar Moción
Esquerda Unida, a través do seu concelleiro na corporación municipal do Grove Juan Lamelas, presentará no pleno correspondente ao actual mes de maio unha moción en contra da Lei orgánica de mellora da calidade educativa (LOMCE).

Manifesto Esquerda Unida en apoio a Folga Xeral do Ensino


O vindeiro xoves 9 de maio, representantes de todos os sectores da comunidade educativa (nais e pais, estudantes e profesionais da educación) convocan unha folga xeral educativa para amosar o seu unánime rexeitamento aos ataques sistemáticos que sofre a nosa educación pública, mediante unhas políticas centradas en brutais recortes orzamentarios que superan xa os 5000 millóns de euros, e que teñen como obxectivo encuberto o desmantelamento de servizo público educativo, único garante real do dereito universal á educación en condicións de igualdade.

venres, 3 de maio de 2013

AGE denuncia o deplorable estado do CEIP Rosalía de Castro.


Na mañá de onte, os parlamentarios de AGE Ramón Vázquez e Xabier Ron visitaron as instalacións do CEIP Rosalía de Castro d'O Grove. Nesta visita mantiveron unha xuntanza coa ANPA e a dirección do centro, acompañados por militantes de Anova Ogrobe e o concelleiro de Esquerda Unida Juan Lamelas.

xoves, 2 de maio de 2013

AGE denuncia o deplorable estado de dous colexios de Pontevedra a causa da inacción da Xunta

Alternativa Galega de Esquerda denuncia o lamentable estado de conservación ao que a Xunta de Galicia
ten condeados a dous centros escolares da provincia de Pontevedra, CEIP Rosalía de Castro (O Grove) e CEIP O Cruceiro (Vilalonga- Sanxenxo). Os deputados, Xabier Ron e Ramón Vázquez, visitaron hoxe ambos colexios onde puideron comprobar de primeira man acompañados polas directivas e representantes da ANPA as importantes deficiencias existentes en ambos centros causadas polo continuado incumprimento das promesas por parte do goberno galego.

martes, 30 de abril de 2013

Resposta do Goberno municipal a unha das preguntas do noso concelleiro

Fai dous meses, o noso concelleiro solicitou no pleno, a través dun rogo, unha solución para o cruce da avenida Portugal coas rúas da Igrexa e Rosalía de Castro. Un cruce que estaba resultando un punto conflictivo para o trafico rodado, provocando máis accidentes dende que se cambiaron as sinais de Stop. Naquel momento, o tripartito recoñeceu o problema e prometeu solucionalo o máis axiña posible, devolvendo a preferencia do cruce ao seu estado anterior (preferencia de paso para os que circulan pola avenida Portugal). 

Dous meses despois, Xam Lamelas, volveu preguntar por esta cuestión no pleno de abril, xa que aínda non se lle dou solución. A resposta do Goberno deixounos sorprendidos, xa que alegaron a imposiblidade de realizar dito cambio por culpa da climatoloxía e que agora que remitiron as choivas non contan con persoal suficiente, polo cal agardarán a que comecen a traballar os empregados contratados pola Deputación.

sábado, 13 de abril de 2013

POLA III REPÚBLICA

Este ano conmemoramos o 82 aniversario da Proclamación da II República Española e afrontámola nuns momentos onde a situación social é de extrema gravidade, onde os gobernos tanto do PSOE coma do PP nos colocaron á mercede dos mercados, coa legalización da precariedade no emprego e na vida das persoas.

venres, 22 de marzo de 2013

EU presenta unha moción para a creación dun parque canino e zonas de espallamento.

Descargar Moción
Esquerda Unida, a través do seu concelleiro Juan Lamelas, presentará no pleno correspondente a este mes de marzo unha moción para a creación dun parque canino e zonas de espallamento no Concello do Grove.

martes, 19 de marzo de 2013

Esquerda Unida presenta unha moción sobre transparencia de datos no Concello do Grove

Descargar moción
Esquerda Unida presentará, a través do seu concelleiro Juan Lamelas, no pleno correspondente a este mes de marzo, unha moción sobre transparencia de datos no Concello do Grove.

domingo, 10 de marzo de 2013

10M: Día da Clase Obreira galega

Xa son varios anos de políticas de austeridade promovidas pola Troika e implantadas contra os intereses da maioría da poboación. Ademais de conducirnos ao empobrecemento, aos desafiuzamentos e á precariedade, as sucesivas reformas laborais e políticas neoliberais tan so buscaron o beneficio da burguesía, mentres a clase traballadora paga a súa crise.

xoves, 7 de marzo de 2013

Sen igualdade non hai democracia

Desde os inicios do movemento feminista, as mulleres estamos a loitar por unha sociedade mellor que iguale en dereitos e oportunidades a todas as persoas.

O 8 de marzo é un día para reivindicar que sen igualdade non hai democracia. As mulleres fomos e seguimos a ser as impulsoras e promotoras de grandes cambios que contribuíron decididamente ao enriquecemento da democracia, de tal xeito que demostramos que sen nós esta non existe.

Chávez é exemplo

O proceso de construción do socialismo e loita contra a pobreza é o obxectivo que persegue o proceso revolucionario venezolano que coloca ás persoas no centro da política.

Esquerda Unida lamenta a morte do comandante Hugo Chávez, quen conseguiu transformar Venezuela e convertila nun exemplo de loita contra a pobreza. Coa súa política respaldada pola maioría da cidadanía, Chávez apostou pola recuperación da identidade venezolana arrebatada pola condición de colonia neoliberal, nacionalizou empresas e recuperou o control do país que estaba rendido ao abuso do capital.

A executiva nacional de Esquerda Unida considera que o exemplo venezolano, é un exemplo de revolución socialista da que occidente dista tanto. As políticas deseñadas pola vontade da igualdade de dereitos e oportunidades entre a cidadanía e a realidade dunhas políticas que camiñan cara unha igualdade roubada, pasa pola continuación da política revolucionaria iniciada con Chávez, e que celebraremos sexa continuada tras as vindeiras eleccións.

Yolanda Díaz: “a elección democrática de Chávez reflicte a vontade do pobo venezolano por acadar a igualdade, por erradicar a pobreza e o analfabetismo e, en definitiva, a dignidade como pobo”.

mércores, 6 de marzo de 2013

Xan Lamelas critica a actitude do Alcalde no pleno

No pleno de febreiro o noso concelleiro Xan Lamelas mostrou o seu malestar co Alcalde pola súa actitude cos concelleiros da oposición. 

Durante a sesión plenaria, Miguel Pérez interrompeu en varias ocasións aos membros da oposición cando estaban no uso da palabra. Namentres os seus concelleiros e compañeiros de goberno tiveron liberdade e falaron todo o tempo que precisaron, os concelleiros da oposición víanse interrompidos cando as verbas non gustaban ao executivo. Esta situación foi denunciada polo noso concelleiro,  Xan Lamelas, que pediu a palabra por cuestión de orde para recriminarlle ao Alcalde a súa actitude -palabras que non gustaron e polas cales tamen foi interrumpido por Miguel Pérez-. Asimesmo, o Alcalde negouse a contestar ás preguntas incómodas que lle foron plantexadas polo concelleiro de Esquerda Unida.

PRENSA:

O Tripartito rexeita a Moción de EU en defensa das traballadoras de Cuca.

No pleno do mes de febreiro,  a nosa agrupación presentou unha moción para a defensa da fábrica de Cuca en Vilaxoán e non traslado da produción desta ao Grove. 

A moción contou co apoio do PSOE e o BNG, pero foi rexeitada polo grupo de goberno (PP, PGD e A Meca).

Rogos e preguntas sesión plenaria 27 de febreiro


No pleno do mes de febreiro Esquerda Unida presentou unha serie de rogos e preguntas. Os rogos foron aceptados polo grupo de goberno. En canto as preguntas, algunhas non foron contestadas e as outras non nos convenceron as súas respostas.

venres, 22 de febreiro de 2013

A política do esperpento instalouse definitivamente no Concello


A política do esperpento instalouse definitivamente no Concello do Grove. Desde Esquerda Unida observamos atónitos a última ocorrencia do PGD do señor Alfredo Bea: pedir a demisión da totalidade dos concelleiros da oposición, incluída a do noso concelleiro Juan Lamelas, que tan só leva 21 días no cargo.
O señor Bea sempre foi un concelleiro polémico, pero desde o seu pacto co PP e AMeca o seu despotismo e intransixencia aumentaron até niveis inadmisíbeis para o pobo do Grove. Para Bea e o seu partido 'demócrata' a cidadanía só teñen dereito a falar unha vez cada catro anos, nen tan sequera no Entroido, e mentras tanto el pode facer e desfacer ao seu antollo. A crítica está prohibida, como prohibido está beber na rúa, utilizar o Pavillón de Deportes Náuticos, xogar á pelota, tender a roupa a secar... pero ante todo está prohibido criticar o seu labor como concelleiro. Todo para o pobo pero sen o pobo é o seu lema.
É curioso que se nos pida a demisión por deixadez de funcións precisamente por criticar a xestión do señor Bea á fronte da concellería de seguridade cidadá. Non é preciso que o señor Bea nos entregue "datos contrastados e papeis" interesados para observar que algo non marcha ben. Tal vez sexa o señor Bea, quen nunca exerceu de oposición ao goberno (estarei nun goberno ou noutro, pero no goberno), a persoa adecuada para explicarnos como debemos desenvolver o noso labor. A tal efecto, desde Esquerda Unida barallamos presentar por vía de urxencia no seguinte pleno municipal unha moción para que se encargue á Concellería de Seguridade Cidadá a redacción dunha ordenanza que regule o labor da oposición no Concello do Grove para que a partires de agora non se molesten o señor Bea nen o señor Pérez cada vez que tentemos facer o noso traballo e así poder continuar con esta política de esperpento e despotismo.

venres, 11 de xaneiro de 2013

EU realizou propostas ao Regulamento de Mercado e a Ordenanza de Praias

Este xoves as concellerías de Mercado e Medio Ambiente reunironse cos portavoces dos partidos da oposición para tratar o Regulamento de Mercados e a Ordenanza de uso das praias. Xan Lamelas, vindeiro concelleiro de Esquerda Unida, asistiu a xuntanza con varias propostas de modificación aos dous documentos.

A valoración inicial por parte de Xam Lamelas é positiva, pois tanto Marta Domínguez, concelleira de Mercados, como Alfredo Bea, concelleiro de Medio Ambiente, asumiron de bo grado as propostas realizadas pola nosa organización e comprometéronse a incluilas nos respectivos documentos.

Tanto o Regulamento de Mercados, como a Ordenanza de uso das praias serán incluídas na orde do día da sesión plenaria do vindeiro 31 de xaneiro para a súa aprobación inicial,  polo que Esquerda Unida aguardará ata recibir a documentación definitiva para valorala e decidir postura que tomará o noso concelleiro.

Noticia relacionada:
http://www.farodevigo.es/portada-arousa/2013/01/11/o-grove-quiere-dar-espaldarazo-definitivo-plaza-abastos-dotandola-ordenanza-propia/739076.html