A executiva nacional de EU demanda a comparecencia urxente de Feijóo no Parlamento Galego para explicar o impacto real na que queda Novagalicia Banco e insta á creación dunha comisión que analice e depure responsabilidades pola situación das entidades financeiras galegas

ESQUERDA UNIDA – OS VERDES CONSIDERA QUE O RESCATE CONSTITÚE A DEMOSTRACIÓN DA DERROTA DAS POLÍTICAS NEOLIBERAIS DESENVOLVIDAS POR PSOE E PP

A COORDINADORA NACIONAL DE EU, YOLANDA DÍAZ, SINALOU “NON É UN RESCATE, É UN SECUESTRO COTIÁN SOBRE OS DEREITOS SOCIAIS DA NOSA CIDADANÍA”

Esquerda Unida comeza esta semana unha campaña para coñecer a verdade, toda a verdade, sobre a crise da banca, e demanda explicacións acerca do xa anunciado custo social das medidas acordadas en Bruxelas en materia de emprego na entidade NGB.

Esquerda Unida rexeita o novo Estatuto do Consello Local do Deporte por ser parcial e partidista.

No Pleno do pasado xoves o concelleiro de Deportes anunciaba que ía transformar o Consello Local do Deporte facendo alarde do carácter “UNIVERSAL” que o mesmo ía lograr. Pouco despois Esquerda Unida recibiu o documento que pretende regular o órgano consultivo. Analizado o mesmo, ollamos como en lugar de abrir as portas a novas incorporacións e amplialo (como el se gabara) para darlle un carácter máis democrático, o que fai é reducir a participación, adaptando o Consello a un maior control pola súa parte, algo que non nos sorprende.

Analizamos o pleno de maio

A nosa organización xuntouse o luns 4 de Xuño para comentar e analizar actitudes, comentarios e posturas que tiveron algúns concelleiros no pleno do pasado mes de maio, no que o groso da sesión foi unha das dúas mocións propostas por Esquerda Unida: a eliminación do privilexio que exime á igrexa católica de pagar o Imposto de Bens Inmobles (IBI).

Esquerda Unida do Grove está "gratamente" sorprendida porque despois de tan só un ano os seus rogos xorden efecto no goberno.

Xa hai un tempo Esquerda Unida ven reclamando a necesidade de instalar un valo de protección na pista deportiva de Terra de Porto para evitar que os balóns acaben no mar ou rematen impactando nos viandantes, proposta que inclusive levamos a pleno en forma de rogo hai preto dun ano. Por este motivo, sorprendeunos ler estes días na prensa como o Concelleiro de Deportes e Seguridade Cidadá, Alfredo Bea, ía tomar medidas para remediar esta necesidade despois da reclamación dos usuarios/as. Aínda así é unha alegría observar como por fin se vai colocar o valado, que de seguro evitará moitos accidentes, pero queda lonxe do noso entendemento por qué hai once meses este mesmo concelleiro non atendeu a esta demanda cando o noso edil lla fixo saber. Naquel momento cónstanos que Alfredo Bea se negou a colocar o valado alegando que esa zona non era da súa competencia, seguramente receloso por non levar os méritos da súa construción no anterior mandato.

Os rogos e preguntas deste mes presentaranse por rexistro por mor da obriga do noso concelleiro de acudir ao seu posto de traballo

Como ben sabedes os que seguíchedes o pleno polas redes sociais, o noso concelleiro, Jose Antonio Taboada, non puido acabar o pleno por ter que acudir ao seu posto de traballo. Por este motivo non puido expoñer os rogos que tiñamos preparados para este pleno nen facerlle ao goberno as preguntas pertinentes. Aínda así entregaremos por rexistro a documentación axeitada coas nosas reclamacións, que puidechedes ler neste blog.

Cayo Lara reprocha ao PSOE que "estea nunha 'política de reciclaxe' e se teña posto a remolque de IU" ao pedir agora que a Igrexa pague o IBI.

Fonte: Izquierda Unida

O coordinador federal recorda varias iniciativas executadas desde hai tempo por Izquierda Unida, entre elas a moción que leva xa semanas impulsando nos concellos en relación co pagamento do imposto polos bens inmobles da Igrexa.

Rogos e Preguntas á sesión plenaria do 31 de maio

No pleno deste xoves 31 de maio, ademais das dúas mocións que, por abandono do Tripartito, teñen que ir por vía de urxencia, ao non ser incluílas na orde do día -cando foron presentadas por Rexistro dentro do prazo establecido-, Esquerda Unida realizará tres rogos e tres preguntas a este Goberno. Agardamos lle dean solución ás nosas demandas e nos respondan ás preguntas.

Esquerda Unida do Grove comentará por twitter os plenos do concello

A partir do pleno deste mes, que se celebrará o xoves 31, a corporación local de EU levará estes actos desde a súa conta de twitter (@euogrove) a todos os seus followers para así loitar coa barreira informativa que sofre dos medios de comunicación, que pasan por alto as iniciativas e intervencións do noso concelleiro, José Antonio Taboada.

O arousán Juan Fajardo encabezará a candidatura de EU ao Parlamento galego por Pontevedra

Hoxe tivemos a sorte de poder acudir á convención provincial de ESQUERDA UNIDA en Vigo na que se presentaba como cabeza de lista para as vindeiras eleccións autonómicas a Juan Fajardo Recouso, actual concelleiro en Vilagarcía de Arousa e traballador Informático, aínda actualmente atópase no paro. Acompáñao como número 2 da candidatura a viguesa Eva Solla, enfermeira e responsábel da área de Saúde e Benestar Social en Vigo, traballadora do SERGAS. A candidatura aprobada supón unha renovación do 80% respecto das pasadas eleccións e conta cunha ampla participación da mocidade. Dita candidatura aínda deberá ser ratificada polo Consello Político Nacional de Esquerda Unida.

Esquerda Unida do Grove presentará unha moción para eliminar os privilexios da igrexa católica respeto o imposto de bens inmobles.

O concelleiro de Esquerda Unida do Grove, José Antonio Taboada, propondrá no pleno que se celebrará o 31 de Maio que o Goberno Central modifique a lei que exime á igrexa católica do pago do IBI (Imposto sobre Bens Inmobles). Foi o aumento deste imposto (entre o 4 e o 10%) a principal medida tributaria para correxir o déficit público, consecuencia das inadecuadas políticas económicas neoliberais dos partidos maioritarios e que inxustamente recae sobre as costas da cidadanía.

Esquerda Unida do Grove propón unha normativa reguladora para levar a cabo acollementos civís no concello.

O acollemento civil é unha cerimonia de ámbito puramente civil, público e compatible con calquera outra cerimonia privada, relixiosa ou non, de acollemento e presentación de recén nacidos, na que os pais e padriños asumen o compromiso de velar pola educación do neno/a e defender os dereitos do menor.

A solución chapuza para apaciguar as críticas vertidas sobre o tamaño das árbores do paseo de Lordelo.

O martes puidemos leer que un medio local facíase eco do malestar da veciñanza polo tamaño que alcanzaban as árbores nalgunhas zonas da vila e que obstaculizaban o tránsito de peóns e usuarias/os de bicicletas. Concretamente as árbores do paseo de Lordelo-Terra de Porto era branco de todas as críticas. Desde Esquerda Unida entendemos que estos comentarios estaban ben fundamentados pois non só afectaban á estética do lugar e daba un aspecto descoidado e abandonado, senon que poñía en perigo ás usuarias/os e privaban ás veciñas/os dun servizo público.

DE MOBILIZACIÓN E LOITA POLO EMPREGO, OS DEREITOS LABORAIS E OS SERVIZOS PÚBLICOS

Este 1º de Maio enfrontámonos ao ataque máis brutal e antidemocrático que sufrimos os traballadores e traballadoras en moito tempo. Presentan medidas contra a crise que son só un intento de rapina sobre salarios, as conquistas da clase traballadora e os dereitos sociais. Non importan as persoas e os seus dereitos, senón o beneficio dos bancos e as multinacionais.

EU votou en contra do novo regulemento de uso das instalacións deportivas

Motivación do regulamento. Por que é necesario?

Estamos no debate de un novo regulamento. Neste caso de uso das instalacións deportivas municipais. Este novo regulamento, derogará o anterior, que data do ano 2.006, aprobado sendo Alcalde o señor Miguel A. Pérez, quen volve a traer unha proposta neste senso, esta vez baixo iniciativa de un concelleiro de deportes distinto, o señor Alfredo Bea. Cando se debate calquer tipo de iniciativa, o primeiro que nos preguntamos para poder decidir o noso sentido de voto é que é o que a motiva e tamén sobre a súa necesidade e conveniencia. Facémoslle entón unha primeira pregunta ao señor Alcalde: ¿cales son as motivacións para traer a Pleno un novo regulamento de uso das instlacións deportivas municipais? ¿Obervouse algunha necesidade nova que o anterior regulamento non recollera?

EU preguntará no Pleno de Abril sobre a contratación do Asesor de Fredi

Na Xunta de Goberno do pasado 24 de febreiro, o goberno aprobou o proceder á contratación de Victor Otero Prol, número 2 da candidatura do Partido Galeguista Demócrata, como coordinador, asesor e xestor dos servizos da Concellería de Seguridade Cidadá e Emerxencias. Esquerda Unida levará á Sesión Plenaria de hoxe este tema no punto de Rogos e Preguntas:

25 N. Contra a violencia de xénero

A crise económica, provocada polo sistema capitalista, está xerando unha clase social cada vez máis empobrecida e sometida aos vaivéns dos mercados financeiros.

O ano 2011 está finalizando co aumento das desigualdades sociais. Estas diferencias económicas e desigualdades acentúanse moitísimo máis nas mulleres, xa que son estas as que están sufrindo directamente un duro golpe contra as conquistas aparentemente consolidadas.

Carta de Cayo Lara a los/as militantes y simpatizantes de IU

Nadie se puede imaginar lo que se agradece una alegría en la casa de los pobres. 

Enhorabuena compañeras y compañeros. 

Podemos sentirnos orgullosos y orgullosas del trabajo y del esfuerzo colectivo, de la pasión que hemos derrochado en los debates, en los discursos, en las conversaciones, en las comparecencias públicas y hasta en la pegada de los tradicionales carteles, de toda esa fuerza que nos ha dado la razón y que ha hecho posible que nuestro discurso haya calado en una parte importante del pueblo, de la gente de izquierdas, de 1.680.810 personas que nos han dado su confianza de forma ilusionada. 

Esquerda Unida celebrou un mitin charla na Confraría de Pescadores

Prensa: Todogrove.com

O candidato de Esquerda Unida-Os Verdes ao Congreso dos deputados pola provincia de Pontevedra, Rubén Pérez, desprazouse este domingo ata O Grove para explicar o programa co que a formación esquerdista concorre ás eleccións xerais do vindeiro 20 de novembro.

VER FOTOGRAFÍAS

Redacción | Fotos: M. Muñiz 

Mitin de EU no Grove

Este domingo, día 13 de novembro ás 12 da mañá, Esquerda Unida - Os Verdes celebrarán un acto público na Confraría de Pescadores de San Martiño do Grove, no que explicarán o programa electoral da coalición e respostarán ás inquedanzas dos presentes.

Estarán presentes no acto Rubén Pérez, cabeza de lista de Esquerda Unida - Os Verdes pola provincia de Pontevedra e a tamén candidata María Guillán, ademais de outros membros da organización local, como o concelleiro José Antonio Taboada.

"Nunca saldremos de esta crisis si la alternativa es PP o PSOE"

Prensa Faro de Vigo

"Le recortaremos diferencias al BNG; los que votaron socialista por miedo a la derecha ahora nos darán su apoyo", asegura

EU anuncia o seu voto contrario á suba do soldo do alcalde

Prensa: Todogrove.com

lunes, 24 de octubre de 2011
Esquerda Unida criticou a “elaborada e retorcida estratexia” que o Goberno local elaborou para “xustificar o aumento do gasto” nas retribucións que perciben os seus membros, “disfrazándoo de exercicio de austeridade”.
Redacción | Foto: M. Muñiz 

Miguel Pérez búrlase dos veciños ao subirse o soldo e aumentar o gasto municipal

O Alcalde do Grove, Miguel Angel Pérez, ven de propoñer para o vindeiro pleno a subida do seu soldo, pasando dunha dedicación parcial a unha dedicación exclusiva. A suba supón un incremento de preto do 400%, o que en datos se traduce nun aumento de 800 € mensuais a máis de 3.150 €. Isto incremente bastante o gasto municipal do actual tripartido, onde todos os seus membros están remunerados, e supera con creces o gasto do anterior goberno. 

Sobre a situación económica municipal

A situación económica actual de crise do sistema capitalista de produción non a creamos os traballadores e traballadoras. Foron as políticas de corte neoliberal levadas a cabo por parte dos gobernos do PP e do PSOE nas distintas administracións públicas as que puxeron en marcha a maquinaria de destrución do Público, reducindo a capacidade de maniobra das adminstracións públicas á hora de dar resposta ás necesidades dos cidadáns, chegando ata o golpe de estado institucional perpetrado polos representantes da Banca e as grandes empresas, que son o PP e o PSOE, constitucionalizando a ideoloxía neoliberal pola vía de urxencia, sen tan sequera consultar á cidadanía, non fora ser que a democracia se interpuxera no seu camiño de destrución e imposición.

EU critica a concesión de axudas a entidades que non presentaron a solicitude en prazo

Prensa: todogrove.com 
miércoles, 28 de septiembre de 2011  

Esquerda Unida pedirá explicacións no pleno deste xoves respecto do reparto de subvencións a entidades culturais do presente ano, no que foron concedidas axudas a catro entidades que presentaron as súas solicitudes fóra de prazo.

Rogos e Preguntas de EU-IU á Sesión Plenaria de setembro

Na vindeira Sesión Plenaria, a do 29 de setembro, Esquerda Unida realizará catro preguntas, a primeira delas solicitando explicacións sobre a demora nas respostas aos Rogos e Preguntas do Pleno de xullo. Ademais presentaranse oito rogos para dar solución a diferentes problemas existentes no noso concello.

MAPA DE ROGOS

Esquerda Unida abre un buzón para que os veciños trasladen as súas problemáticas

Co propósito de que as problemáticas do pobo e dos veciños cheguen ao pleno do concello, dende Esquerda Unida abrimos unha nova ventá a través da nosa web  –http://euogrove.blogspot.com–. No apartado “Buzón-Rogos”, os veciños poderán facernos chegar as súas queixas, ou preguntas para que o nosos concelleiro as traslade ao seo do pleno, co fin de buscar unha solución ou cando menos unha resposta.

Rubén Pérez encabezará a candidatura provincial de Esquerda Unida

A convención provincial de ESQUERDA UNIDA acordou onte en Vigo presentar como cabeza de lista para as vindeiras eleccións xerais a Rubén Pérez Correa, actual coordinador local en Vigo, membro do Comité Federal do PCE. Licenciado en Historia, traballa actualmente nunha empresa de informática. As candidaturas ó Congreso e Senado aprobadas supoñen unha renovación do 80% respecto das pasadas eleccións, cunha ampla participación da mocidade.

EU acusa ao Goberno de crear un estado de alarma que xustifique recortes nos servizos

Prensa Todogrove.com EU acusa ao Goberno de crear un estado de alarma que xustifique recortes nos servizos

Miércoles, 31 de agosto de 2011

Esquerda Unida criticou que as cifras que os responsables municipais fixeron públicas para alertar da “asfixia económica” que sufre o Concello están “deseñadas para crear un estado de alarma” que xustifique “unha redución drástica de servizos municipais”.

EU ve en los datos económicos ofrecidos por el tripartito una justificación para reducir servicios

Prensa Diario de Arousa
EU ve en los datos económicos ofrecidos por el tripartito una justificación para reducir servicios

T.M. > O GROVE

La agrupación local de Esquerda Unida mostró ayer su preocupación por las declaraciones realizadas por los responsables municipales en relación con la asfixia económica del Concello meco.

Así, apuntan que hace tres meses todas las agrupaciones eran conscientes de la situación económica del ente local y sabían que iba a haber una reducción de ingresos, por lo que considera que este dato no debería ser una sorpresa para el tripartito.

Sobre a asfixia financieira do Concello declarada polo tripartito.

O Grove 30-8-2011.- Desde a agrupación local de Esquerda Unida do Grove mostrámonos preocupados polas declaracións do goberno municipal en realción coa suposta asfixia financieira do noso Concello.

Cando hai apenas tres meses nos presentamos ás eleicións municipais, todas as agrupacións e partidos políticos eramos conscientes da situación económica tanto do Concello como da economía en xeral, e sabedores da redución de ingresos que as administracións públicas ían  sufrir. Non pode ser pois sorpresa para o tripartito a redución de ingresos municipais.

Por outra banda, vemos que as cifras que se mostran están deseñadas para crear un estado de alarma para xustificar a redución drástica de servizos municipais. Por exemplo, non pode ser un imprevisto o incremento do IVE (medida regresiva que grava por igual o consumo de ricos e pobres) cando é unha medida anunciada en setembro de 2.009 e que entrou en vigor en xullo de 2.010, hai máis de un ano.