venres, 1 de xuño de 2012

Esquerda Unida do Grove está "gratamente" sorprendida porque despois de tan só un ano os seus rogos xorden efecto no goberno.

Xa hai un tempo Esquerda Unida ven reclamando a necesidade de instalar un valo de protección na pista deportiva de Terra de Porto para evitar que os balóns acaben no mar ou rematen impactando nos viandantes, proposta que inclusive levamos a pleno en forma de rogo hai preto dun ano. Por este motivo, sorprendeunos ler estes días na prensa como o Concelleiro de Deportes e Seguridade Cidadá, Alfredo Bea, ía tomar medidas para remediar esta necesidade despois da reclamación dos usuarios/as. Aínda así é unha alegría observar como por fin se vai colocar o valado, que de seguro evitará moitos accidentes, pero queda lonxe do noso entendemento por qué hai once meses este mesmo concelleiro non atendeu a esta demanda cando o noso edil lla fixo saber. Naquel momento cónstanos que Alfredo Bea se negou a colocar o valado alegando que esa zona non era da súa competencia, seguramente receloso por non levar os méritos da súa construción no anterior mandato.

Xa é a segunda vez neste mes que vemos como este Goberno traballa dun xeito improvisado e tras as denuncias públicas da veciñanza (como coas árbores do paseo de Lordelo-Terra de Porto), cando Alfredo Bea xa estaba ao corrente da situación deste parque. É unha mágoa que tivesen que ser os usuarios/as os que desen o toque de atención ao abandono dos servizos da vila e que se nos ignorase no seu momento, algo que non fai máis que evidenciar que o seu é traballar de costas as demais forzas.

Desde a nosa organización queremos agradecer ao concelleiro Alfredo Bea a súa eficacia, rapidez, o seu ben facer coa cidadanía e sobre todo queremos felicitalo pola súa capacidade para finxir que descoñecía este problema.

Nesta ligazón podes comprobar que desde a nosa organización manifestamos o problema existente hai 11 meses (Rogo nº5).

Ningún comentario:

Publicar un comentario