Esquerda Unida abre un buzón para que os veciños trasladen as súas problemáticas

Co propósito de que as problemáticas do pobo e dos veciños cheguen ao pleno do concello, dende Esquerda Unida abrimos unha nova ventá a través da nosa web  –http://euogrove.blogspot.com–. No apartado “Buzón-Rogos”, os veciños poderán facernos chegar as súas queixas, ou preguntas para que o nosos concelleiro as traslade ao seo do pleno, co fin de buscar unha solución ou cando menos unha resposta.

Dende hai moitos anos, este colectivo caracterízase polo traballo a pé de rúa. Nos últimos mandatos, concelleiros/as como Xan Caneda, María Soilán ou Xan Lamelas, trasladaron aos plenos, ademais das mocións, numerosos rogos e preguntas co propósito de dar solución aos problemas do nosos concello. No pleno do mes de xullo, o actual concelleiro, José Antonio Taboada Magdalena, Neno, fixo chegar ao grupo degoberno 2 preguntas e 7 rogos –dos que seguimos agardando resposta logo de dous meses–.

Estas iniciativas que cada mes levamos ao pleno é froito das peticións que os veciños nos trasladan cando nos atopan na rúa ou nos chaman por teléfono. Por este motivo, dende Esquerda Unida queremos ampliar, mellorar e facilitar o método de comunicación cos veciños para que nos trasladen as súas solicitudes. É por iso que que se abre este espazo na web “Buzón-Rogos”. Tamén indicar que as respostas que recibamos do grupo de goberno serán publicadas na web e lle serán trasladadas aos veciños que formularan a petición, para que a coñezan de primeira man.

Ademais, os que queiran seguir a información do noso colectivo poden facelo na web, na rede social facebook (EsquerdaUnida O Grove) e no twitter (@EUOgrove).