17 de maio. Día da lingua galega. A língua que nos une.

Descarga o manifesto de Esquerda Unida para o 17 de maio.

17 DE MAIO. DÍA DA LINGUA GALEGA. A LINGUA QUE NOS UNE

A lingua galega vive tempos difíciles. Tan difíciles coma o pobo que a fala: escurecidos polas malas políticas dun goberno de dereitas que fuxe das súas responsabilidades e que nos somete a un constante e continuado proceso de recortes, de vulneración de dereitos, de ataques á nosa dignidade.

EU presenta unha moción contra a LOMCE

Descargar Moción
Esquerda Unida, a través do seu concelleiro na corporación municipal do Grove Juan Lamelas, presentará no pleno correspondente ao actual mes de maio unha moción en contra da Lei orgánica de mellora da calidade educativa (LOMCE).

Manifesto Esquerda Unida en apoio a Folga Xeral do Ensino

Descargar Díptico

O vindeiro xoves 9 de maio, representantes de todos os sectores da comunidade educativa (nais e pais, estudantes e profesionais da educación) convocan unha folga xeral educativa para amosar o seu unánime rexeitamento aos ataques sistemáticos que sofre a nosa educación pública, mediante unhas políticas centradas en brutais recortes orzamentarios que superan xa os 5000 millóns de euros, e que teñen como obxectivo encuberto o desmantelamento de servizo público educativo, único garante real do dereito universal á educación en condicións de igualdade.

AGE denuncia o deplorable estado do CEIP Rosalía de Castro.

Na mañá de onte, os parlamentarios de AGE Ramón Vázquez e Xabier Ron visitaron as instalacións do CEIP Rosalía de Castro d'O Grove. Nesta visita mantiveron unha xuntanza coa ANPA e a dirección do centro, acompañados por militantes de Anova Ogrobe e o concelleiro de Esquerda Unida Juan Lamelas.

AGE denuncia o deplorable estado de dous colexios de Pontevedra a causa da inacción da Xunta

Alternativa Galega de Esquerda denuncia o lamentable estado de conservación ao que a Xunta de Galicia

ten condeados a dous centros escolares da provincia de Pontevedra, CEIP Rosalía de Castro (O Grove) e CEIP O Cruceiro (Vilalonga- Sanxenxo). Os deputados, Xabier Ron e Ramón Vázquez, visitaron hoxe ambos colexios onde puideron comprobar de primeira man acompañados polas directivas e representantes da ANPA as importantes deficiencias existentes en ambos centros causadas polo continuado incumprimento das promesas por parte do goberno galego.

Resposta do Goberno municipal a unha das preguntas do noso concelleiro

Fai dous meses, o noso concelleiro solicitou no pleno, a través dun rogo, unha solución para o cruce da avenida Portugal coas rúas da Igrexa e Rosalía de Castro. Un cruce que estaba resultando un punto conflictivo para o trafico rodado, provocando máis accidentes dende que se cambiaron as sinais de Stop. Naquel momento, o tripartito recoñeceu o problema e prometeu solucionalo o máis axiña posible, devolvendo a preferencia do cruce ao seu estado anterior (preferencia de paso para os que circulan pola avenida Portugal). 

Dous meses despois, Xam Lamelas, volveu preguntar por esta cuestión no pleno de abril, xa que aínda non se lle dou solución. A resposta do Goberno deixounos sorprendidos, xa que alegaron a imposiblidade de realizar dito cambio por culpa da climatoloxía e que agora que remitiron as choivas non contan con persoal suficiente, polo cal agardarán a que comecen a traballar os empregados contratados pola Deputación.

POLA III REPÚBLICA

Este ano conmemoramos o 82 aniversario da Proclamación da II República Española e afrontámola nuns momentos onde a situación social é de extrema gravidade, onde os gobernos tanto do PSOE coma do PP nos colocaron á mercede dos mercados, coa legalización da precariedade no emprego e na vida das persoas.

EU presenta unha moción para a creación dun parque canino e zonas de espallamento.

Descargar Moción
Esquerda Unida, a través do seu concelleiro Juan Lamelas, presentará no pleno correspondente a este mes de marzo unha moción para a creación dun parque canino e zonas de espallamento no Concello do Grove.

Esquerda Unida presenta unha moción sobre transparencia de datos no Concello do Grove

Descargar moción
Esquerda Unida presentará, a través do seu concelleiro Juan Lamelas, no pleno correspondente a este mes de marzo, unha moción sobre transparencia de datos no Concello do Grove.

10M: Día da Clase Obreira galega

Xa son varios anos de políticas de austeridade promovidas pola Troika e implantadas contra os intereses da maioría da poboación. Ademais de conducirnos ao empobrecemento, aos desafiuzamentos e á precariedade, as sucesivas reformas laborais e políticas neoliberais tan so buscaron o beneficio da burguesía, mentres a clase traballadora paga a súa crise.

Sen igualdade non hai democracia

Desde os inicios do movemento feminista, as mulleres estamos a loitar por unha sociedade mellor que iguale en dereitos e oportunidades a todas as persoas.

O 8 de marzo é un día para reivindicar que sen igualdade non hai democracia. As mulleres fomos e seguimos a ser as impulsoras e promotoras de grandes cambios que contribuíron decididamente ao enriquecemento da democracia, de tal xeito que demostramos que sen nós esta non existe.

Chávez é exemplo

O proceso de construción do socialismo e loita contra a pobreza é o obxectivo que persegue o proceso revolucionario venezolano que coloca ás persoas no centro da política.

Esquerda Unida lamenta a morte do comandante Hugo Chávez, quen conseguiu transformar Venezuela e convertila nun exemplo de loita contra a pobreza. Coa súa política respaldada pola maioría da cidadanía, Chávez apostou pola recuperación da identidade venezolana arrebatada pola condición de colonia neoliberal, nacionalizou empresas e recuperou o control do país que estaba rendido ao abuso do capital.

A executiva nacional de Esquerda Unida considera que o exemplo venezolano, é un exemplo de revolución socialista da que occidente dista tanto. As políticas deseñadas pola vontade da igualdade de dereitos e oportunidades entre a cidadanía e a realidade dunhas políticas que camiñan cara unha igualdade roubada, pasa pola continuación da política revolucionaria iniciada con Chávez, e que celebraremos sexa continuada tras as vindeiras eleccións.

Yolanda Díaz: “a elección democrática de Chávez reflicte a vontade do pobo venezolano por acadar a igualdade, por erradicar a pobreza e o analfabetismo e, en definitiva, a dignidade como pobo”.

Xan Lamelas critica a actitude do Alcalde no pleno

No pleno de febreiro o noso concelleiro Xan Lamelas mostrou o seu malestar co Alcalde pola súa actitude cos concelleiros da oposición. 

Durante a sesión plenaria, Miguel Pérez interrompeu en varias ocasións aos membros da oposición cando estaban no uso da palabra. Namentres os seus concelleiros e compañeiros de goberno tiveron liberdade e falaron todo o tempo que precisaron, os concelleiros da oposición víanse interrompidos cando as verbas non gustaban ao executivo. Esta situación foi denunciada polo noso concelleiro,  Xan Lamelas, que pediu a palabra por cuestión de orde para recriminarlle ao Alcalde a súa actitude -palabras que non gustaron e polas cales tamen foi interrumpido por Miguel Pérez-. Asimesmo, o Alcalde negouse a contestar ás preguntas incómodas que lle foron plantexadas polo concelleiro de Esquerda Unida.

PRENSA:

• Diario de Arousa: Intervenciones eternas y cuestiones de orden en un frío salón de plenos.

O Tripartito rexeita a Moción de EU en defensa das traballadoras de Cuca.

No pleno do mes de febreiro,  a nosa agrupación presentou unha moción para a defensa da fábrica de Cuca en Vilaxoán e non traslado da produción desta ao Grove. 

A moción contou co apoio do PSOE e o BNG, pero foi rexeitada polo grupo de goberno (PP, PGD e A Meca).

Rogos e preguntas sesión plenaria 27 de febreiro

No pleno do mes de febreiro Esquerda Unida presentou unha serie de rogos e preguntas. Os rogos foron aceptados polo grupo de goberno. En canto as preguntas, algunhas non foron contestadas e as outras non nos convenceron as súas respostas.

A política do esperpento instalouse definitivamente no Concello

A política do esperpento instalouse definitivamente no Concello do Grove. Desde Esquerda Unida observamos atónitos a última ocorrencia do PGD do señor Alfredo Bea: pedir a demisión da totalidade dos concelleiros da oposición, incluída a do noso concelleiro Juan Lamelas, que tan só leva 21 días no cargo.

O señor Bea sempre foi un concelleiro polémico, pero desde o seu pacto co PP e AMeca o seu despotismo e intransixencia aumentaron até niveis inadmisíbeis para o pobo do Grove. Para Bea e o seu partido 'demócrata' a cidadanía só teñen dereito a falar unha vez cada catro anos, nen tan sequera no Entroido, e mentras tanto el pode facer e desfacer ao seu antollo. A crítica está prohibida, como prohibido está beber na rúa, utilizar o Pavillón de Deportes Náuticos, xogar á pelota, tender a roupa a secar... pero ante todo está prohibido criticar o seu labor como concelleiro. Todo para o pobo pero sen o pobo é o seu lema.

É curioso que se nos pida a demisión por deixadez de funcións precisamente por criticar a xestión do señor Bea á fronte da concellería de seguridade cidadá. Non é preciso que o señor Bea nos entregue "datos contrastados e papeis" interesados para observar que algo non marcha ben. Tal vez sexa o señor Bea, quen nunca exerceu de oposición ao goberno (estarei nun goberno ou noutro, pero no goberno), a persoa adecuada para explicarnos como debemos desenvolver o noso labor. A tal efecto, desde Esquerda Unida barallamos presentar por vía de urxencia no seguinte pleno municipal unha moción para que se encargue á Concellería de Seguridade Cidadá a redacción dunha ordenanza que regule o labor da oposición no Concello do Grove para que a partires de agora non se molesten o señor Bea nen o señor Pérez cada vez que tentemos facer o noso traballo e así poder continuar con esta política de esperpento e despotismo.

EU realizou propostas ao Regulamento de Mercado e a Ordenanza de Praias

Este xoves as concellerías de Mercado e Medio Ambiente reunironse cos portavoces dos partidos da oposición para tratar o Regulamento de Mercados e a Ordenanza de uso das praias. Xan Lamelas, vindeiro concelleiro de Esquerda Unida, asistiu a xuntanza con varias propostas de modificación aos dous documentos.

A valoración inicial por parte de Xam Lamelas é positiva, pois tanto Marta Domínguez, concelleira de Mercados, como Alfredo Bea, concelleiro de Medio Ambiente, asumiron de bo grado as propostas realizadas pola nosa organización e comprometéronse a incluilas nos respectivos documentos.

Tanto o Regulamento de Mercados, como a Ordenanza de uso das praias serán incluídas na orde do día da sesión plenaria do vindeiro 31 de xaneiro para a súa aprobación inicial,  polo que Esquerda Unida aguardará ata recibir a documentación definitiva para valorala e decidir postura que tomará o noso concelleiro.

Noticia relacionada:
http://www.farodevigo.es/portada-arousa/2013/01/11/o-grove-quiere-dar-espaldarazo-definitivo-plaza-abastos-dotandola-ordenanza-propia/739076.html

O novo Consello Político Federal de IU votado na súa X Asemblea reelixe por unanimidade a Cayo Lara como coordinador

Cayo Lara foi reelixido, este domingo, coordinador federal de Izquierda Unida coa unanimidade dos 158 novos membros do Consello Político Federal, cuxos compoñentes foron votados previamente polo Plenario da X Asemblea Federal da organización -que se desenvolveu desde o venres en Madrid- a partir dunha lista unitaria fraguada co consenso de todas as sensibilidades que a compoñen.

PRENSA: Esquerda Unida pide al alcalde que convoque el Consello Local de Turismo

12-12-12. DIARIO DE AROUSA

Esquerda Unida pide al alcalde que convoque el Consello Local de Turismo

TERESA MIÑÁN. O GROVE

Ante la polémica surgida en relación ocn las Jornadas de Exaltación de la Centolla después de que el alcalde de O Grove, Miguel Ángel Pérez, reprochase a los hosteleros su falta de implicación, desde Esquerda Unida piden al regidor meco que convoque el Consello Local de Turismo, ya que entienden que es el órgano en el que se deben debatir estas cuestiones.

PRENSA: EU y BNG exigen que el gobierno local cuente con ellos para elaborar el Presupuesto

12-12-12. DIARIO DE AROUSA:

EU y BNG exigen que el gobierno local cuente con ellos para elaborar el Presupuesto

TERESA MIÑÁN. O GROVE

Los grupos de la oposición han mostrado su malestar porque a punto de finalizar el año todavía no saben nada sobre el Presupuesto de 2013, un documento de vital importancia, ya que en él se verá reflejado el Plan de Ajuste al que se debe someter el Concello después de acogerse al plan de pago a proveedores ofrecido por el gobierno central hace unos meses.

AGE presenta unha Proposición Non de Lei para rematar cos desafiuzamentos no noso País

O grupo parlamentario asegura que a dramática situación actual impón a esixencia de desenvolver as oportunas actuacións públicas

O Grupo Parlamentario de Alternativa Galega de Esquerda presentou esta mañá unha Proposición Non de Lei para evitar que continúe a vaga de desafiuzamentos e as súas dramáticas e mortais consecuencias no noso país.

Os membros do Grupo Parlamentar consideran intolerábel a situación social que se vive no noso País, resultado da vaga de desafiuzamentos que enchen a cotidianeidade dramática das familias traballadoras. Esta situación imponnos a esixencia de desenvolver as oportunas actuacións públicas para evitar unha problemática inxusta que está a causar alarma social, pobreza e marxinalidade, e mesmo mortes. Os datos semellan un berro elocuente encol dunha realidade que antepón o lucro privado aos dereitos recollidos na Constitución e no Estatuto.

O 27N: o sector lácteo responde!

Hoxe martes 27 comeza a folga indefinida no sector lácteo en Galiza. Esta folga gandeira pretende responder aos ataques continuos que está recibindo o sector, e que van máis alá dos recortes ou a crise actual.

O sistema capitalista pretende desde hai anos desmantelar este sector, do que dependen máis de 50.000 persoas e que ten un importante peso na economía galega, sobre todo nas provincias de Lugo e A Coruña.

As PAC, os recortes orzamentarios (tanto desde a Xunta, como desde o Goberno central e a Unión Europea), as cada vez máis precarias condicións dos e das gandeiras, como así foron impostas co último real decreto, abocan ao sector e á mocidade do rural que depende do mesmo a un futuro incerto.

O sector gandeiro galego en loita contra o seu exterminio

Comunicado e propostas da XCG e o PCG ante a situación do Sector Lácteo na Galiza

O pasado 28 de agosto reuniuse a Mesa do Sector Lácteo (composta por Industria, produtores e distribución), presidida polo ministro de Agricultura, Alimentación e Medio Ambiente, Miguel Arias Cañete. As principais esixencias dos sindicatos eran establecer un prezo digno do leite por riba dos custos de produción, así como a regularización dos contratos entre gandeiros/as e empresas do sector, cunha duración mínima dun ano. Tamén se falou da Política Agraria Común (PAC) e do Plan Europa 2014-2020, que inflúen directamente no sector.

Manifesto Esquerda Unida 25 de Novembro

25 de novembro de 2012

Día Internacional conta a Violencia cara ás mulleres

Recortar en políticas de Igualdade é afondar na Violencia conta as Mulleres

Esquerda Unida non pedirá a comparecencia de Bea nun pleno extraordinario

A agrupación local de Esquerda Unida rexeita a petición do PGD para solicitar a comparecencia do seu concelleiro e responsable de Seguridade Cidadá, Alfredo Bea, nun pleno extraordinario de "urxencias", para "aclarar e mostrar toda a información" sobre a polémica coa Policía Local. En declaracións aos medios de comunicación, Xam Lamelas, tachou a proposta de "manobra para darse autobombo ante unha situación que se lle escapa das mans" e indicou que "non pensamos participar neste paripé"

PRENSA: Taboada renunciará en el Pleno de la semana que viene a su acta de concejal

DIARIO DE AROUSA:

Taboada renunciará en el Pleno de la semana que viene a su acta de concejal 

T.M. O GROVE  

El actual edil de Esquerda Unida de O Grove, José Antonio Taboada, renunciará en el Pleno de la semana que viene a su acta de concejal. Este será el primer punto del orden del día de la sesión, por lo que el edil no estará presente en el debate de las demás cuestiones que se incluyen dentro de la lista de asuntos a tratar.

Apoio ao pobo palestino

Dende Esquerda Unida condenamos as matanzas que o goberno de Netanyahu está a facer contra a poboación civil Palestina na Franxa de Gaza.

Esquerda Unida denuncia o comportamento criminal do goberno israelí sobre o pobo palestino, nestes días xa ronda o cento de persoas mortas, e as cifras seguen en aumento, a inmensa maioría son palestinas. A vaga de crispación e violencia continúa castigando despois de máis de 40 anos ao pobo palestino.

Esquerda Unida denuncia o abuso de horas extra no servizo de guindastre municipal

O Concello do Grove, que en datas anteriores afirmara non ter ingresos suficientes para horas extras en determinado servizo, incumpre o convenio colectivo do propio concello e o Estatuto dos Traballadores no respecto do abuso de horas extras. O traballador a cargo da condución do guindastre acumula, segundo actas da propia Xunta de Goberno Local, soamente ata o mes de agosto 89 horas extraordinarias, incumprindo o convenio colectivo (que marca un máximo de 7 horas mensuais ou 70 anuais) e o Estatuto dos Traballadores (que determina un máximo de 8 horas mensuais ou 80 anuais, debendo crearse unha nova praza en caso de superarse estes límites) a pesares de seren advertidos tanto pola intervención como pola secretaría do concello.

EU denuncia irregularidades na Escola de Música municipal

Dende Esquerda Unida queremos denunciar o que consideramos unha serie de irregularidades graves na contratación da persoa/empresa que se fará cargo da Escola de Música municipal durante os dous vindeiros anos.

Cortexo cívico ao Parlamento de Galicia

Mañá constitúese o Parlamento da Galicia. Os nosos deputados e deputadas irán camiñando dende a Praza de Galicia ao Parlamento acompañados por un cortexo cívico coa xente que queira sumarse. Todos so cidadáns que desexen sumarse ao cortexo xunto aos nosos parlamentarios deberán estar mañá venres 16 de novembro ás 10 da mañá na Praza de Galicia de Santiago de Compostela. O pobo puxo a AGE no Parlamento e o pobo é quen a leva alá.