Descargar Moción
Esquerda Unida, a través do seu concelleiro na corporación municipal do Grove Juan Lamelas, presentará no pleno correspondente ao actual mes de maio unha moción en contra da Lei orgánica de mellora da calidade educativa (LOMCE).
Esquerda Unida, a través do seu concelleiro na corporación municipal do Grove Juan Lamelas, presentará no pleno correspondente ao actual mes de maio unha moción en contra da Lei orgánica de mellora da calidade educativa (LOMCE).
Ante a marea azul arrolladora do PP que parece non
deterse en nada, desde EU sumámonos á marea verde que en todo o
estado está a plantar cara ás ansias privatizadoras e elitizadoras
do ministro Wert, o ministro peor valorado desde o franquismo, e
que ten como obxectivo máis inmediato o éxito da folga xeral
educativa convocada para mañá día 9 que apoiamos sen fisuras.
A educación afecta a toda a cidadanía, e desde os
concellos debemos sumarnos á defensa da mesma en interés dun futuro
mellor para toda a sociedade. Fronte á mangueira aberta de
financiación á banca, o goberno do PP recortou 5.212 millóns de
euros en educación. Esta reforma significa o desmantelamento da
educación pública e o seu deterioro progresivo. É unha reforma que
xustifica os recortes, que se realizou de espaldas á comunidade
educativa e á sociedade, que non conta con recursos degradando a
calidade educativa e a equidade e ten un marcado carácter
mercantilista que convirte o que é un dereito, a educación,
nunha mera mercadoría en mans dos intereses do mercado.
Por estos motivos, desde Esquerda Unida pedimos que
o Concello do Grove solicite a dimisión inmediata do ministro de
educación, o aumento dos orzamentos educativos e que se abra un
debate coa comunidade educativa, forzas políticas e sociais para
un diagnóstico que axude a mellorar realmente a educación no noso
país.
Asemblea Local de
Esquerda Unida
O Grove, 8 de maio de
2013
Ningún comentario:
Publicar un comentario