Rogos e preguntas no Pleno do mes de maio.

No pleno do mes de xuño, a nosa agrupación formulou unha serie de rogos e preguntas ao goberno local. Interesámonos polo estado do parque de Terra de Porto, que estivo pechado ao público tralas denuncias por supostas descargas eléctricas. Tamén nos preocupamos polo estado do pavillón tralo torneo de dardo, no que se serviu alcohol sobre a pista. A polémica intersección da Avenida Portugal e o Punto limpo tamén foron obxecto das nosas preguntas, así como a situación da concellería de Cultura que dirixe Carlos Otero, ao cal lle formulamos unha serie de cuestións relacionadas coas súas declaracións na prensa. A maioría foron contestadas polo executivo local e incluso o concelleiro de Cultura se dignou a responder, aínda que parece que se esqueceu de moitas das preguntas realizadas.

ROGOS E PREGUNTAS PLENO DE MAIO 2013

ROGO: Xa nun pleno anterior solicitamos que o envío da documentación tanto dos plenos como das comisións informativas se entregara xunto coa convocatoria dos mesmos, ou no seu defecto se enviara por correo electrónico aos concelleiros para facilitar e axilizar o noso traballo.

Rogamos se teña en consideración esta petición.

- Por fin nos darán solución a esta petición. Xa que hai uns meses, cando formulamos o mesmo rogo, dérannos unha resposta totalmente diferente.

PREGUNTA-ROGO: Varias empresas e autónomos indícannos que dende hai un tempo lle esta prohibido levar o plástico ao Punto Limpo, segundo lle comunicou o operario que atende as instalacións. Isto supón que para desfacerse deste material teñen que percorrer o concello para introducilo nos diferentes colectores.

Cal é o motivo polo cal non poden depositar o plástico no Punto Limpo?

Rogamos se busque unha solución para evitar este problema.

- Segundo nos indican, este servizo non é para empresas, xa que estas teñen que xestionar os seus propios residuos. Pero tamén nos dixeron que si algún empresario ou autónomo ten problemas, que se acheguen polo concello que Fredi lles buscará unha solución. Será a cambio do voto?

PREGUNTA-ROGO: Puidemos ler na prensa que o parque de Terra de Porto foi precintado trala queixa de varios usuarios por ocasionar descargas eléctricas.

Cal é o problema real con este parque.

Está o Concello traballando nunha solución para que o parque poida ser aberto ao uso na maior brevidade posible?

Ollamos tamén como a pesar do precintado do parque, moitos veciños seguen facendo uso do mesmo a pesar da prohibición.

Si a situación é tan alarmante rogamos que o Concello tome cartas no asunto, ben precintado o mobiliario o dotándoo de vixilancia para evitar males maiores.

- Sobre isto, Fredi foi o único que tomou a palabra –o concelleiro de obras debía ter presa– para indicarnos que fixeron o seu traballo poñendo as indicacións pertinentes sobre o perigo, que si poñen un policía igual os acusan de querer recadar. Quedounos pendente saber cal é o problema real do parque e si o concello está traballando nunha solución.

PREGUNTA: Tras dúas preguntas en pleno e logo de ver como se anunciou na prensa a actuación na polémica intersección da Avenida Portugal preguntámoslle ao concelleiro de Seguridade Cidadá,

Cando vai ser definitivamente o día que se lle dea solución á problemática desta intersección?

- Polo visto van agardar a que finalice o curso escolar, xa que aproveitarán o cambio da intersección para dotar a rúa Rosalía de Castro de sentido único de circulación e mudar os aparcamentos. Haber si é desta.

PREGUNTAS: Tralas ultimas declaracións na prensa do concelleiro de Cultura nas que mostrou o seu cabreo por non acadar os seus obxectivos, evidenciase que esta persoa forma parte do goberno municipal co propósito de atender as súas demandas persoais por riba das colectivas. E á vista está logo de ver como nos dous últimos anos reduciu a actividade cultural ao mínimo e no que só a música, e que música, entra dentro do seu programa. Logrou o descontento dos colectivos culturais, das comparsas e agora, tamén e publico, dos seus compañeiros de goberno. Por iso dende Esquerda Unida nos preguntamos,

1. Cal é o problema que existe cos colectivos culturais do noso concello?
2. Existen discrepancias cos seus compañeiros de goberno?
3. E consciente o concelleiro de que a actividade cultural no noso concello é practicamente nula?
4. Por qué as actividades das Letras Galegas foron organizadas pola concellería de Novas Tecnoloxías?
5. Por qué organizou un concerto na casa da Terceira Idade na mesma franxa horaria que as actividades do día das Letras Galegas?
6. Tras fracasar un dos seus proxectos persoais, a Banda de Música municipal, que motiva ao concelleiro para seguir no seu posto?
7. É consciente de que os veciños reclaman outro tipo de actividades culturais ademais das musicais?
8. Pensou en deixar o seu posto no goberno? 

- Desgraciadamente non obtivemos as respostas que agardábamos. Carlos Otero limitouse a responder ao que lle interesou sen meterse en fonduras e, posiblemente, sen buscar polémica cos seus compañeiros de goberno.

Só nos respondeu á terceira pregunta indicándonos que o presuposto non da para máis, que considera que para os cartos que ten a concellería fai o que pode. Nos non o creemos así.

En canto á cuarta pregunta díxonos que "non lle corresponde a el esa resposta". A quen lle corresponde logo? Quere dicir que lle roubaron a actividade?.  

Por último, na quinta pregunta indicounos que o concerto na Casa da Terceira Idade estaba programado con moita antelación e que foi o cambio de datas das actividades do día das letras galegas. Que nos víramos, os carteis saíron á rúa tres días antes do evento.

PREGUNTA: Hai unhas semanas o pavillón municipal dos deportes albergou o campionato galego de dardos. Esta actividade tivo lugar na pista, sobre a que se instalaron as diferentes máquinas de xogo, varias mesas e outro mobiliario sen ningún tipo de protección. Ademais dentro do pavillón permitiuse a instalación dunha barra na que se despachaba alcohol. Cónstanos que tanto o concelleiro como o Técnico de Deportes comprobaron insitu todo o relatado anteriormente, polo que lle preguntamos,

1. Cales foron as condicións que se lle esixiron á organización do evento para poder desenrolar a actividade?
2. Por qué non se lle esixiu cubrir a pista para evitar posibles danos na mesma?
3. Por qué se lle permitiu a venda e consumo de alcohol sobre a pista do pavillón cando o Regulamento de Uso das Instalacións Deportivas municipais no seu ARTIGO 16. PROHIBICIÓNS, indica no apartado a) que “Está prohibido o consumo de calquera tipo de bebidas no terreo de xogo e nos vestiarios das IDM, agás as propias dos deportistas: bebidas isotónicas, auga …” e no apartado b) que “Está prohibido fumar, así como consumir bebidas alcohólicas, en calquera das IDM, incluso na cafetería, cantina ou bar”?

Non estamos en contra deste tipo de eventos, e imaxinamos que os organizadores deixarían en perfectas condicións as inhalacións municipais tralo remate da actividade, pero non concibimos que exista un regulamento municipal e só se aplique cando interesa.

- Neste caso o concelleiro de Deportes, Alfredo Bea, comentounos que os organizadores da actividade "lles meteran un gol" xa que non agardaban que houbese alcohol sobre a pista e que para o ano, si se volve solicitar tal actividade, se tomarán medidas para evitar que volva suceder. http://www.todogrove.com/index.php?option=com_content&task=view&id=6973