xoves, 21 de xuño de 2012

RESPOSTA ÁS DECLARACIÓNS DE ALFREDO BEA APARECIDAS HOXE NO FARO DE VIGO

Desde Esquerda Unida queremos amosar a nosa sorpresa e indignación coas palabras do concelleiro de deportes Alfredo Bea publicadas hoxe en Faro de Vigo.

Para nós é toda unha sorpresa ver como se informa de unha xuntanza para tratar o novo regulamento do Consello Local do Deporte celebrada o martes, pois o noso concelleiro, José Antonio Taboada, non foi convocado. Xa é grave que se exclúa ao voceiro de un dos grupos, pero é vergoñento como aínda por riba se lle critica que non teña acudido a unha reunión da cal non estaba informado.


Ademáis, sempre segundo a información de Faro de Vigo, o señor Bea parece ser que pretende excluír da vida municipal ao noso grupo político, ao informar de que pretende informar do futuro pavillón de deportes soamente a un dos grupos opositores, o PSOE, grupo co cal parece ser que mantén sintonía en materia de deportes. Debe ser por iso que, na mesma crónica, o señor Bea admite que o señor Cacabelos pode facer propostas en positivo. As nosas son contestadas polo señor Bea con insultos.

Hai dúas semanas, tras analizar o borrador de novo regulamento para o CLD que a ben tivo de facilitarnos o señor Bea, Esquerda Unida fixemos públicas a través de unha nota de prensa algunhas das nosas discrepancias co texto proposto. A resposta foi a mesma que obtivo o noso concelleiro o señor Taboada cando propuxo consensuar o regulamento de uso de instalacións deportivas: insultos. ¿Ese é o talante dialogante do que presume Bea?

Polo ben da vida pública municipal, queremos instar ao concelleiro de deportes un cambio de actitude. Tamén nos preguntamos cal é o papel do Alcalde en todo isto. A nosa postura foi sempre a do diálogo e o consenso, mais para que isto sexa posible, é preciso que os interlocutores sexan quen de escoitar as posturas discrepantes sen entrar en cólera.

Ningún comentario:

Publicar un comentario