Os esquerdistas, favorables á peonalización, queren coñecer os proxectos para as rúas Luis Seoane e Castelao, o desvío alternativo do tráfico e as alternativas de aparcadoiro que manexa o executivo local.
 |
| Rúa Castelao (Catorse) cortada ao tráfico polas obras |
O Grove, 6 de maio
de 2016.
O Grupo Municipal de Esquerda Unida solicitou por rexistro unha xuntanza de
voceiros para abordar o tema da peonalización de rúas do casco urbano. Logo das
novas en prensa nas que se indicaba que o Concello ten previsto peonalizar en
breve a Rúa Luis Seoane e no mes de outubro a Rúa Castelao, concretamente o
tramo coñecido como a Catorse, Juan Lamelas e José Antonio Otero solicitaron
unha reunión co Alcalde para coñecer de primeira man cal é o proxecto que
executará o goberno municipal, a alternativa que ten previsto para a perda de
máis de 50 aparcadoiros e a nova circulación que se propón tralo peche ao tráfico destas dúas
rúas.
A
pesar de mostrarse favorables á peonalización das citadas rúas, xa que ademais
de supoñer unha seguridade para os viandantes pode ocasionar un incremento
económico para os negocios alí instalados, os edís esquerdistas consideran que
antes de pechalas ao transito de vehículos é preciso contar cun proxecto que
mostre as alternativas de circulación e estacionamento, cuestión que nestes
intres descoñecen por completo si existe. Tampouco teñen claro si o goberno
tratou o asunto con veciños e comerciantes, principais implicados xa que serán
os maiores beneficiados ou prexudicados por estas actuacións.
Por
ese motivo, os edís esquerdistas agardan que Alcalde atenda á petición
realizada por rexistro e convoque aos voceiros dos grupos municipais para
abordar este tema, que consideran de crucial importancia, xa que se trata de
pechar ao tráfico unha das arterias principais do concello.
Así mesmo, cabe recordar que Esquerda Unida xa se
mostrou contrario e criticou no anterior
mandato ao goberno tripartito pola supresión de aparcadoiros realizada en rúas
como A Praza de Arriba, Alcalde Xacobe Barral (antiga Cándido Acuña), Vilavella
ou o Corgo, xa que naquel entón foron eliminadas máis de 30 prazas de
aparcadoiros sen contar cunha alternativa. Situación que finalmente derivou no
aluguer, de forma sospeitosa e irregular, dunha finca privada na zona de
Beiramar.
Prensa
EU pide una reunión para abordar la peatonalización deCastelao y Luis Seoane [ver noticia web]
Esquerda Unida apoya las peatonalizaciones pero pide que se garanticen los aparcamientos [ver noticia web]
EU pide una reunión de portavoces para hablar sobre las peatonaliaciones [ver imaxe da noticia completa]
Ningún comentario:
Publicar un comentario