Usuarios do parque de Confín alertaron hai un mes do perigo que supón un ferro sobresaínte do chan ao carón da zona de xogo e preto da pista da chave, onde moitas nenas e nenos xogan libremente.
Agardamos que, o máis axiña posible, se lle dea unha solución máis axeitada, e sobre todo máis segura.
No pasado pleno volvemos alertar da inseguridade que existe nun dos tramos do “Camiño Escolar Seguro” ao CEIP Rosalía de Castro e pedimos ao concello que actúe con celeridade.
Son moitas as familias, que cada día pasan por esta rúa camiño da escola, as que denuncian o risco que supón para os peóns o estado desta obra. Reclaman que o Camiño Escolar Seguro debe ser iso; seguro.
Dende Esquerda Unida facémonos eco da problemática e solicitamos ao concello que procure unha solución antes de que se produzan danos persoais que poidamos lamentar.
No pasado pleno volvemos denunciar o lamentable estado no que se atopan os carteis turísticos distribuídos polo noso concello.
Xa denunciamos esta situación o ano pasado, pero o estado dos carteis é cada vez peor, co risco de que desaparezan.
Pedimos que se arranxen ou se repoñan para mellorar a imaxe turística da nosa vila
