QUE A VERGOÑA MUDE DE BANDO!

 

MANIFESTO 25N 2024 DA REDE FEMINISTA DE IZQUIERDA UNIDA

Este 25 de novembro voltamos ás rúas contra todas as violencias machistas e a berrar alto e claro “que a vergoña mude de bando!”

40 mulleres foron asasinadas no Estado español no que levamos de ano (non esquecemos as 5 asasinadas dende o 25n do 2023 ao 31 de decembro de 2023, que pasan desapercibidas nas estatísticas) e 1283 dende 2003, data na que comezan a contabilizarse os asasinatos de mulleres. O número de menores orfos por violencia de xénero son 29 no que levamos de ano e 443 dende 2013; dende ese ano a 2024, 63 foron as menores asasinas polos seus pais en casos de violencia vicaria.

A violencia machista é unha violencia estrutural que afonda as súas raíces en relacións patriarcais arraigadas en profundas desigualdades. Unha violencia que dáse en todos os países e que se dirixe a todas as mulleres. A violencia contra as mulleres ten múltiples formas; a violencia sexual é unha das formas máis significativas da violencia contra as mulleres e moitos dos perpetradores gozan de total impunidade. No mundo, 150 millóns de nenas menores de 18 anos sufriron agresións sexuais, e na Unión Europea unha de cada tres mulleres sufriron agresións ou abusos sexuais dende os 15 anos.

Millóns de mulleres son sometidas a mutilacións xenitais, obrigadas a casarse, asasinadas, violadas e prostituídas, queimadas vivas ou torturadas polo feito de ser mulleres; usadas como vasijas para enxendrar seres humanos previamente comprados. Sociedades machistas que penalizan tamén ás mulleres LGTBIQA+ polas súas disidencias da norma heterosexual patriarcal.

Esta violencia agravase en países en conflito bélico, o corpo das mulleres convertese en lugar estratéxico para os fins da guerra.

Non podemos pasar por alto a violencia perpetrada baixo a ocupación e o colonialismo. Denunciamos ao ilexítimo Estado de Israel que está a perpetrar un xenocidio en Gaza, onde mulleres e menores son asasinados diariamente ante o silencio internacional.

Avanzamos coa Lei Si es Si, coa Lei Trans, coa Lei de Memoria Democrática. Unidas paramos os desafiuzamentos das nosas veciñas, saimos a defender a paz e contra a guerra, saimos ás rúas cas mulleres palestinas, saharauís, iraníes; saímos a defender os dereitos das mulleres migrantes para acabar ca violencia exercida sobre elas.

Dende Izquierda Unida cremos que o apoio e atención ás vítimas é fundamental, por isto reclamamos que se aproveiten os fondos do Pacto de Estado para implementar unha rede de atención de proximidade potente que permita recibir os apoios que precisan.

Somos abolicionistas da prostitución e por iso consideramos necesario que no noso país se traballe nese horizonte, ampliando os fondos destinados ás mulleres que desexen saír desa situación de prostitución e fondos adicionais para a educación da sociedade. Porque é necesario que se poñan en marcha en todas as provincias os centros 24 horas.

Saímos á rúa este 25N para lembrar aos distintos gobernos, central, autonómico e local, a urxente necesidade de por en marcha unha axenda feminista, porque o capitalismo depredador e especulativo impide o acceso á vivenda, onde o 60% dos fogares de aluguer encabezados por mulleres situase por debaixo do umbral da pobreza.

Seguimos a loitar contra un sistema que perpetúa as desigualdades de clase e fomenta a violencia estrutural contra as mulleres; mulleres traballadoras, precarizadas e empobrecidas, que subsisten en condicións de explotación. Seguimos loitando para que o feminismo sexa unha ferramenta de transformación económica.

Seguimos demandando un sistema público – comunitario de coidados que asuma o traballo non pagado que fan as mulleres na familia, e que son un síntoma dos privilexios dos que sérvese o patriarcado para manterse.

Un ano máis sairemos á rúa para denunciar un sistema capitalista e patriarcal que non coida a vida nin o planeta. É necesario incorporar mulleres tanto ao cambio de modelo produtivo como ao enerxético, así como diminuír a pobreza enerxética que incide nas mulleres.

Este 25N saímos ás rúas a denunciar a violencia sexual que se exerce sobre as mulleres e as nenas, violencia aceptada e normalizada pola sociedade. Os relatos masivos que as mulleres fixeron das súas experiencias dan idea da envergadura e da normalización da violencia, do silencio e das complicidades. Saímos á rúa a reclamar que se poña o foco nos agresores e non nas vítimas.

En Izquierda Unida somos conscientes de que o machismo é transversal e atravésanos tamén ás organizacións da esquerda transformadora, que tamén temos formado parte dese silencio colectivo e colaborador cos agresores. Que a violencia política é unha manifestación do poder, baseada en relacións asimétricas que danse dentro das organizacións, sabemos que a impunidade non se derruba cun escándalo pasaxeiro, que é unha estratexia de fondo.

Como feministas sabemos moi ben que construír organizacións e referencias políticas libres de machismo e patriarcado é a base para mudar o noso mundo.

Estamos convencidas de que a vergoña mudará de bando gracias á loita feminista, por isto:

Este 25N fronte as violencias machistas berramos con rabia feminista:

Que a vergoña mude de bando!

O Pleno aproba por unanimidade a moción de EU do 25N-Día Contra a Violencia de Xénero

O Pleno aprobou no día de onte por unanimidade a moción presentada pola concelleira de Esquerda Unida, Cristina Domínguez, relativa ao 25 de novembro -Día Internacional Contra a Violencia de Xénero-. 

A moción contemplaba un total de 11 propostas de acordo entre as que destacan a de instar ao goberno do estado a modificar a Lei Orgánica 1/2004 de Medidas de Protección Integral contra a Violencia de Xénero para incluír as violencias contra as mulleres fóra do ámbito da parella ou exparella, incorporar a violencia sexual, laboral, institucional, os ventres de aluguer e a prostitución; instar ao goberno do estado a desenvolver unha Lei Integral para a loita de trata de seres humanos; impulsar plans de igualdade con suficientes recursos humanos e materiais; implementar a educación afectivo-sexual e contra a discriminación e violencia de xénero dende a óptica feminista e a diversidade en todas as fases educativas; desenvolver plans de formación e sensibilización ao persoal sanitario, xurídico e as forzas e corpos de seguridade; fortalecer a rede pública de atención a vítimas; e profundar nas campañas de concienciación.

Moción completa: 

25 DE NOVEMBRO 2020

DÍA INTERNACIONAL CONTRA A VIOLENCIA DE XÉNERO

Este 2020 está marcado pola pandemia da Covid-19 e a crise social e económica. Esta situación, volve evidenciar as desigualdades de xénero que sosteñen a un sistema que non protexe, nin ofrece vidas dignas e seguras ás mulleres. A situación de confinamento, as limitacións á mobilidade e as consecuencias das medidas tomadas para facer fronte ao coronavirus, intensificaron as violencias machistas.

Moitas mulleres atopáronse encerradas cos seus maltratadores nunha especial situación de vulnerabilidade e incerteza. Durante o primeiras seis semanas de corentena realizáronse máis de 4.000 detencións por violencia machista, ademais vemos un aumento de máis do 50% do uso servizo telefónico do 016 e de máis dun 100% do seu uso  online. Segundo os datos do Ministerio de Igualdade, as chamadas ao 016 incrementáronse no mes de abril un 60% con respecto a abril de 2019, e as consultas  online incrementáronse ese mesmo mes case un 600% comparado con abril do ano anterior.

Así mesmo, a pandemia do COVID-19 resaltou as diferentes fendas de xénero que seguen existindo en todos os ámbitos da nosa sociedade. Durante este período, as mulleres foron as protagonistas, tanto no ámbito sanitario —sendo elas a inmensa maioría de persoas traballadoras— como no ámbito dos coidados, vivindo situacións de precariedade e risco para a saúde para as empregadas do fogar e atención domiciliaria.

Segundo os datos da Enquisa de Poboación Activa (EPA), as mulleres son maioritarias nos postos de primeira liña de combate da epidemia. Elas representan o 51% do persoal médico, o 84% de enfermería, o 72% en farmacia, o 82% en psicoloxía e un 85% do persoal que traballa nas residencias de maiores e persoas dependentes onde se deron as peores cifras de falecementos. Tamén son maioritarias noutros servizos esenciais como son o comercio e a alimentación, a limpeza de hospitais e representan a práctica totalidade das empregadas do fogar, dos coidados.

A isto súmase a maior carga das mulleres nas tarefas de coidados. O 70% destas tarefas son realizadas polas mulleres e neste contexto de coronavirus sufriron unha maior sobrecarga tanto polas condicións laborais do teletraballo, como polo coidado do fogar, menores e persoas dependentes. Esta sobrecarga de traballo non se viu respondida con mecanismos de corresponsabilidade desde todos os ámbitos: administracións, empresas e fogares. Especialmente afectadas están as familias monoparentais, das que oito de cada dez teñen a unha muller á fronte.

Doutra banda, estímase que a nova crise económica vai afectar máis ás mulleres máis vulnerables que, en moitos casos, dependen economicamente das súas parellas. Fronte a esta situación, elaboráronse pactos pola recuperación económica en todos os niveis da administración para incidir e compensar os efectos da pandemia. Pero diversos expertos, expertas e organismos nacionais e internacionais (Ministerio de Igualdade, ONU,  PNUD, etc.) están a alertar de que en épocas de crise o enfoque de xénero é un dos puntos que as administracións tachan da súa axenda, mentres que precisamente é nestas crises cando debemos reforzar a nosa mirada cara ás mulleres e as nenas, para poder paliar o dano real causado a todos os niveis das súas vidas.

E é neste sentido onde é imprescindible aplicar a perspectiva de xénero como ferramenta de análise que nos permite introducir cambios reais e concretos cara á construción dunha sociedade igualitaria. Algo que debería estar presente en calquera plan de reconstrución para evitar un retroceso nos dereitos adquiridos.

A Comisión Europea recoñece que se non se avanza en políticas de xénero costaranos 70 anos alcanzar unha igualdade de salario entre homes e mulleres, 40 anos a correponsabilidade do traballo doméstico e 20 anos alcanzar políticas de xénero.

As crises anteriores incrementaron as desigualdades e discriminacións. A maioría de mulleres atópanse nas posicións máis precarias e vulnerables tanto no aspecto laboral coma no social. Esta crise non a imos a pagar nós, necesitamos políticas que poñan a protección das persoas no centro, especialmente as máis vulnerables e as que van sufrir as peores consecuencias.

Por todo iso, é urxente a posta en marcha e profundización das actuacións do Pacto de Estado contra a Violencia de Xénero para despregar xa medidas e políticas igualitarias nesta situación de crise  multidimensional. E á súa vez, para iso é fundamental unha reconsideración dos nosos servizos públicos que estando feridos de morte, non poden atendernos nin garantir os nosos dereitos e protexer as nosas vidas. Necesitamos unha aposta clara pola ampliación de recursos e reestruturación do público e o común.

Pero a esta situación de crise, súmanse outras que describen unha realidade preocupante, como é a situación das e dos menores ante as violencias machistas. Segundo os datos do Informe de Menores e Violencia de Xénero o 24% da mocidade no noso país entre 14 e 18 anos foi testemuña de episodios de violencia machista cara á súa nai e, deles, o 77% confesa que foi maltratado/a directamente polo mesmo agresor, dos cales o 70% era o seu pai.

Estamos a vivir un colapso duns servizos xurídicos, sociais e sanitarios precarizados e recortados xa antes da crise do Coronavirus, que non poden pagar as vítimas de violencias machistas. Debemos resolver de forma urxente o acceso, a ampliación de tempo, dereitos e medidas de protección ás mulleres que conseguen a acreditación de vítima de Violencia de Xénero. A vixencia de dous anos para todas as actuacións (sen estimar tempos diferentes para diferentes actuacións) non é suficiente para que unha muller refaga a súa vida e poida acceder aos diferentes recursos que expón a lei, en canto a cuestións laborais, de formación (como as oposicións) e outras medidas de apoio sociolaboral.

E por último, consideramos urxente o recoñecemento de todas as violencias machistas que afectan de forma incisiva na vida das mulleres e fomentan a cultura da violación e a violencia.

Por todo o anteriormente exposto, é polo que o Grupo Municipal de Esquerda Unida somete á consideración do pleno a aprobación da seguinte,

Proposta de acordo:

● PRIMEIRO: Instar ao Goberno de España a que se modifique a Lei Orgánica 1/2004 de Medidas de Protección Integral contra a Violencia de Xénero ampliando a propia definición de violencia de xénero, cumprindo co ratificado dentro o Convenio de Istambul en 2014. É dicir, que se inclúan as violencias contra as mulleres fóra do ámbito da parella ou  exparella, que se incorpore a violencia sexual, laboral, institucional e tamén que se incorporen os ventres de aluguer e a prostitución como violencia de xénero.

●  SEGUNDO: Instar ao Goberno de España a que se desenvolva unha Lei Integral para loitar contra Trata de Seres humanos, que ademais de previr e perseguir esta secuela e ás redes de delincuentes que se  lucran con esta «escravitude moderna», conteña un plan de integración para as miles de vítimas, a maior parte mulleres e nenas, aínda sen cuantificar no Estado español, que é un dos principais destinos europeos das  migrantes captadas polas redes para exercer a prostitución.

● TERCEIRO: Instar a que na comisión sectorial de igualdade se amplíe o tempo de acreditación de vítima de violencia de xénero para posibilitar a súa inclusión en procesos de incorporación sociolaboral.

● CUARTO:       Realizar un informe de impacto de xénero das propostas recollidas nos plans de reconstrución para incluír os factores de corrección necesarios para evitar aumentar os desequilibrios de xénero existentes.

● QUINTO: Impulsar plans de igualdade con suficientes recursos humanos e materiais. Así como mellorar os datos para a sensibilización social e a planificación e avaliación das políticas de igualdade.

● SEXTO: Avaliar a posta en marcha do Pacto de Estado contra a Violencia de Xénero nas entidades locais e autonómicas para garantir que se está utilizando de maneira adecuada e os obxectivos que se están traballando.

● SÉTIMO: Implementar a educación afectivo-sexual e contra a discriminación e violencia de xénero desde a óptica feminista e desde a diversidade en todas as fases educativas.

● OITAVO: Reforzar as actuacións con menores en contexto de violencia de xénero e as actuacións dos puntos de encontro para adecuarse ao contexto.

● NOVENO: Desenvolver plans de formación e sensibilización contra a violencia de xénero de obrigado cumprimento ao persoal sanitario, educativo, xurídico e ás Forzas e Corpos de Seguridade, con cursos mantidos no tempo, actualizados e avaliables.

● DÉCIMO: Fortalecer a rede pública de atención ás vítimas  internalizando os servizos de atención directa, de acollida e a atención do teléfono de atención á violencia para posibilitar empregos dignos como primeiro paso para a boa atención, información e asistencia das vítimas de  VX.

● UNDÉCIMO: Desenvolver e profundar nas campañas de concienciación e información específicas para o contexto actual, implicando ás contornas próximas ás mulleres que sofren a violencia para que as apoien e comuniquen a situación ás administracións correspondentes.

Esquerda Unida pregunta se o Concello se suma á “emerxencia feminista” e convocará concentración o 20S no Grove

Para este venres están convocadas manifestacións e concentracións nocturnas en todo o estado como repulsa ás violencias machistas sufridas durante todo o ano e dende Esquerda Unida queren saber se no Grove se vai realizar algo.

Ana Cristina Domínguez recorda tamén que para este mércores están convocadas concentracións de repulsa ao asasinato das tres mulleres de Valga e que o concello grovense non figura entre os convocantes.

O Grove, 17 de setembro de 2019.  O pasado 8 de agosto a plataforma feminista de Alacante declarou a "Emerxencia Feminista" e convocou unha manifestación nocturna para este venres 20 de setembro, na que piden que as asistentes porten luces moradas en memoria das vítimas de todo o ano.

Segundo indica a concelleira de Esquerda Unida, Ana Cristina Domínguez, “numerosos colectivos feministas, diferentes partidos políticos e outras tantas corporacións municipais decidiron secundar a declaración de Alacante” e para o vindeiro venres 20 de setembro están convocadas manifestacións e concentracións nun gran número de concellos de todo o estado co propósito de “mostrar a repulsa ás violencias machistas vividas no que vai de ano, pero sobre todo nos meses de verán que se poden considerar os máis negros dos últimos anos”, sentencia Domínguez.

Ante esta situación, e vendo que se achega a data sinalada sen que dende o goberno municipal publicitase ningunha convocatoria, a concelleira de Esquerda Unida decidiu preguntar por rexistro se a concellería de Igualdade grovense ten pensado sumarse a “Alerta Feminista” e convocar no Grove, en colaboración co Consello Local da Igualdade e o CIM, algún acto na noite do día 20 ao igual que o van facer outros concellos.

Así mesmo, Domínguez recorda que “no día de onte vivimos un novo episodio de violencia machista co asasinato das tres mulleres de Valga” e que están convocadas para este mércores un gran número de concentracións de repulsa a “este novo episodio de feminicidio e por ese motivo tamén preguntamos se no Grove se vai facer algún tipo de acto de repulsa coincidindo coas convocatorias do pais”.

E é que segundo a concelleira esquerdista, “non temos coñecemento de unha ou outra convocatoria a través do Consello Local de Igualdade, pero é que tampouco nos diferentes carteis para o mércores ou venres que circulan polas redes sociais consta o nome do noso Concello”. 

Gabinete de Prensa

Esquerda Unida O Grove

Esquerda Unida mostra a súa preocupación pola falta de compromiso do goberno municipal coa problemática da violencia machista

Os esquerdistas critican que non se reunira aínda o Consello Local de Igualdade e que no noso concello non se convocase ningunha concentración de rexeite ao asasinato machista de Vilalba (Lugo).

Tamén se mostras críticos ante o anuncio da posta en marcha dun punto morado con persoal cualificado durante as festas do Carme cando “a realidade é que se reduciu a unha mesa informativa con monitores que non recibiron ningún tipo de formación en igualdade”.

O Grove, 27 de xullo de 2019.- Os acontecementos do último mes en relación a violencia machista deixa con seria preocupación ao colectivo local de Esquerda Unida, que critica que dende a conformación do “goberno continuísta do PSOE aínda non se teña convocado ningún consello Local da Igualdade, máxime cando houbo dúas convocatorias estatais de concentracións de rexeite ante actos de violencia machista e a organización dun punto morado durante as Festas do Carme”.

Os esquerdistas indican que “o pasado 8 de xullo convocouse unha concentración en todos os concellos de España como mostra de apoio á vítima da Jauría (a manada de Manresa). Namentres a maioría dos concellos a realizaban ás oito ou nove da tarde, no Grove convocábase para as seis, avisando con menos de seis horas de antelación, unicamente a través das redes sociais e sen informar ás representantes do Consello Local da Igualdade, conseguindo que a afluencia de participantes fose a máis escasa ata o momento”.

“Esta semana, asistimos a un novo caso de asasinato machista, esta vez en Vilalba (Lugo), e tamén se realizaron convocatorias de concentración de rexeite na maioría dos pobos de Galiza, pero no Grove non se fixo nada, polo que nos parece preocupante” sentencian dende Esquerda Unida que tamén consideran que “cando menos no anterior mandato, existía un maior compromiso e contábase con todos os colectivos implicados no CLI”.

Esquerda Unida tamén tacha de “ineptitude e falta de respecto” a actitude do goberno no referente aos puntos morados, pois consideran que se “burlaron” do seu grupo municipal e das veciñas do Grove, ao anunciar un punto morado con persoal cualificado, a raíz da súa solicitude, cando logo “o que realmente puxeron foi unha simple mesa con monitores repartindo folletos e sen ningún tipo de coñecemento dos protocolos a seguir ante un caso de violencia machista”.

Namentres en concellos como Cambados, onde por segundo ano se instalará un punto morado durante a Festa do Albariño, é primordial realizar un curso de 4 horas sobre igualdade para participar como voluntaria no punto morado, Esquerda Unida indica que no Grove “enviouse a monitores do campamento de verán sen ningún tipo de preparación relacionada coa violencia machista e o peor de todo é que anunciaron, tanto dende o concello como da deputación, que o punto grovense contaría con persoal cualificado tal e como se establece”. “A realidade é que non houbo tal persoal” indican os esquerdistas que á vez preguntan “Que pasaría se se dese un caso de violencia machista durante as Festas do Carme e a persoa acudise a esta mesa pensando que podería ser atendida?”.

Esquerda Unida recorda que a propia subdelegada do goberno en Pontevedra, Maica Larriba, instaba o ano pasado a todos os concellos á instalación de puntos morados en todas as festas e eventos con afluencia e a propia Deputación de Pontevedra establece que estes puntos deben contar como mínimo con Técnicos/as de Igualdade amais de persoal con un mínimo de preparación.

Para a agrupación esquerdista “isto demostra que o goberno local, e a concellería de igualdade en concreto, actuaron a salto de mata, e instalaron unha mesa informativa dicindo que era un punto morado regulado para cumprir co expediente logo de que o noso grupo municipal instase á súa posta en marcha tal e como manda a moción aprobada en maio do 2018”.

Por ese motivo, o grupo esquerdista pide responsabilidade ao concello e á concellería de igualdade e que cumpran co seu traballo para loitar contra a lacra do machismo, que o fagan contando coas persoas que forman parte do Consello Local da Igualdade, do Centro de Información á Muller e cos grupos municipais, “pois só entre todas lograremos avanzar”.

Gabinete de Prensa

Esquerda Unida O Grove

Esquerda Unida insta ao concello a activar o “punto morado” durante as Festas do Carme

Punto Morado instalado no pavillón durante o Festival de Comparsas 2019.
Foto CIM O Grove

A concelleira de Esquerda Unida e responsable da área de Muller preguntou por rexistro se o Concello vai poñer en marcha o “punto morado” durante a Festa do Carme.

Os esquerdistas instan a cumprir a moción aprobada en maio do 2018 e poñer durante as festas un punto de información contra a violencia machista con persoal cualificado.

O Grove, 08 de xullo de 2019.- A menos dunha semana de que dea comezo a Festa do Carme, Esquerda Unida non ten constancia se a concellería de Igualdade ten previsto poñer en marcha o “Punto Morado”. Un servizo de información sobre a igualdade entre mulleres e homes e atención para posibles casos de violencia de xénero.

Por ese motivo, a concelleira de Esquerda Unida e responsable da área de Muller, Cristina Domínguez, preguntou por rexistro o pasado xoves si o Concello contempla a instalación dese punto para as festas do Carme e en caso contrario insta a facelo en base a moción aprobada en maio do 2018.

E é que en maio do ano pasado, os esquerdistas elevaron a pleno unha moción na que se pedía, entre outras medidas, a creación de “Espazos Seguros” para as mulleres durante os espectáculos masivos, elaborando un protocolo en colaboración con Consello Local da Igualdade e o Centro de Información á Muller.

Cristina Domínguez recorda que xa nas festas do ano pasado non foi activado ese “espazo seguro” ou “Punto Morado”, a pesar de estar aprobada a moción e que na Festa do Marisco do 2018, logo de ter anunciado a súa posta en marcha, o “Punto Morado” reduciuse a unhas simples mesas con varios dípticos, pero sen persoal que informara. É por iso que Esquerda Unida pide a súa posta en marcha para esta edición das Festas do Carme do mesmo modo que funcionou, trala insistencia do seu Grupo Municipal, no pasado Entroido pero reclama que a partir de agora, aparte das persoas que forman parte do CLI tamén se inclúa persoal cualificado e preparado para informar e atender posibles casos de violencia machista.

Punto Morado instalado na rúa Castelao durante o desfile de disfraces 2019. 
Foto CIM O Grove

Gabinete de Prensa

Esquerda Unida O Grove

25NOV. Nin Violencia Machista, Nin Xustiza Patriarcal

Dende Esquerda Unida sumámonos ao grito de “Nin Unha Menos” este 25 de novembro do 2018. Non consentimos nin unha asasinada máis, nin unha violada, acosada, discriminada, invisibilizada ou marxinada por etnia, procedencia, idade, diversidade funcional, sexual ou identidade de xénero. Esiximos que as institucións asuman a súa responsabilidade na loita contra a Violencia de Xénero. Unhas institucións que actuaron cunha visión parcial, cunha lexislación sen aplicación efectiva, con diferenzas territoriais e sen os orzamentos, nin o persoal necesario para cumprir as súas obrigas, eludindo á súa responsabilidade de protexer ás vítimas e combater a normalización das violencias.

2018 é, de novo, un ano pragado de novas machistas indignantes como a sentenza ditada contra  Juana Rivas ou, a do caso de La Manada, o alarmante aumento de casos de violación grupal, a descarada e reiterada desidia, cando non aberta hostilidade do poder xudicial, con casos tan vergoñentos como do titular do xulgado de Violencia sobre a Muller número 7 de Madrid —Francisco Javier Martínez Derqui—insultando a unha vítima de violencia de xénero. Fronte a iso, un Pacto de Estado insuficiente e sen aplicación real, e un Informe Sombra ao  GREVIO (Grupo de Expertas na loita contra a violencia contra a muller do Consello de Europa) que suspende rotundamente ao Estado español e a Xunta de Galicia na loita contra a violencia machista.

Afortunadamente, este 2018 tamén vivimos unha contundente resposta social do movemento feminista organizado e plural, subversivo, anticapitalista,  antirracista, ecoloxista e  internacionalista, que mobiliza a millóns de mulleres e que está a redefinir o sentido común da nosa sociedade. Debemos ter presente a enorme importancia do feminismo nun momento no que temos que dar unha dura batalla contra o neoliberalismo, o autoritarismo, a intolerancia e o fascismo, que avanzan internacionalmente. Loitemos dende o feminismo todas xuntas para unha sociedade xusta, libre de violencias e radicalmente democrática.

Por todo iso, dende Esquerda Unida esiximos de xeito urxente:

- O cumprimento da LEI 11/2007, do 27 de xullo, galega para a prevención e o tratamento integral da violencia de xénero. Que se inclúa na presente lei como formas de violencia de xénero, os  ventres de alugueiro e a prostitución. Desenvolver políticas encamiñadas á abolición da prostitución, cun incremento de recursos destinados ao desmantelamento das redes e a “industria” da prostitución, a penalización do proxenetismo, campañas de información e  sensibilización nas que se considere aos homes clientes prostituidores como corresponsables,  o desenvolvemento de medidas específicas de integración e inserción laboral para as mulleres prostituídas se así o deciden, e o rexeitamento de medidas simplemente prohibicionistas dirixidas á persecución  e criminalización das vítimas, as mulleres prostituídas. 

-Que aumente o orzamento destinado a políticas de igualdade. Nos últimos tres anos, a Xunta de Galicia só fixo un ruín incremento dos presupostos para igualdade, que só representa o 0,17% do orzamento aprobado polo goberno do PP para o 2019 (17 millóns fronte a un total de 9.850 millóns de €). Limitándose só o 0,14% do orzamento para a protección e apoio ás vítimas de violencia de xénero, un 0,018% para a promoción do emprego da muller e un mísero 0,016% a apoio de Conciliación e Corresponsabilidade.

-Que se poña en marcha o Pacto de Estado contra a Violencia de Xénero. É inadmisible que despois dun ano de traballo na  subcomisión do Congreso teñamos un pacto insuficiente, sen calendario nin orzamentos decentes; que só a través do decreto 9/2018 do goberno do PSOE puxéronse en marcha 7 das 213 medidas, onde o orzamento desbloqueado para a xestión local non teña un indicativo de que obxectivos ten nin como debe ser a súa implantación.

-Que as campañas promovidas dende as distintas administracións para a violencia de xénero teñan unha perspectiva feminista. Non consentimos máis campañas orientadas a culpabilización das mulleres, o que teñamos que estar vixiantes ante actitudes e accións violentas machistas ou cosificadas como monumentos que “Hai que protexer”, como a campaña da Xunta do 25 N do pasado ano. Eliminar a publicidade sexista que discrimina e atenta contra a dignidade das mulleres en soportes publicitarios, publicacións ou transportes públicos, así como, non permitir contratos públicos con medios de comunicación nos que manteñan publicidade  relacionada coa prostitución ou pornografía, que deshumaniza e converte as mulleres en mercadorías facilitando a proliferación de mafias e proxenetismo.

-Que se ensine educación afectivo-sexual e contra a discriminación e violencia de xénero. Este ensino ten que vir dende a óptica feminista, dende a diversidade sexual e identidade de xénero en todas as fases educativas.

-Que se desenvolvan plans de formación e sensibilización contra a violencia de xénero de obrigado cumprimento ao persoal ao servicio das administracións. Especialmente no ámbito social, sanitario, educativo, xurídico e ás forzas e violencia machista se erradicará dun xeito transversal, abordando todos os niveis e a todas as escalas, para que dunha vez por todas poidamos recoñecernos nunha sociedade xusta e radicalmente igualitaria. 

-Demandamos unha xestión pública directa da rede de servicios de violencia de xénero, como paso fundamental para garantir a mellora da calidade asistencial e das condicións laborais do persoal que atende ás vítimas rexeitando a constante externalización destes servizos. 

Por todo o anterior, dende Esquerda Unida esiximos unha estratexia estrutural que loite en todos os ámbitos, con recursos económicos, humanos, técnicos e materiais suficientes para que os obxectivos non queden na sinatura de documentos institucionais, mentres temos unha realidade inadmisible de violencias e desprotección para as mulleres.

Dende a nosa organización apoiamos as mobilizacións organizadas en Galicia este 25 de novembro para reivindicar unha sociedade libre de violencia de xénero.

ÁREA DA MULLER DE ESQUERDA UNIDA