Si no pleno do luns, o noso voceiro, José Antonio Otero González evidenciaba o problema existente na estrada de Meloxo, con ata catro roturas da tubaxe de abastecemento de auga nos últimos 2 meses en tres puntos diferentes, e auguraba novos cortes debido ao mal estado da tubaxe (é de fibrocemento) e ao repisado da estrada, onte mesmo cumpríronse os prognósticos e a veciñanza volveu sufrir un novo corte do subministro logo dunha nova avaría (terceira xa) na primeira fochanca.
É evidente que esta estrada precisa unha actuación urxente e máis obvio aínda que a veciñanza agarda que alguén do goberno lles informe de cales son os pasos que se están dando ou cales se van a dar para solucionar este problema. Así o esiximos no pleno do luns e seguiremos insistindo ata que se presente unha solución sexa con medios municipais ou doutras administracións.
Ningún comentario:
Publicar un comentario