sábado, 6 de marzo de 2021

EU pregunta polas máscaras doadas ao concello que ían ser repartidas aos colexios

 


Foron doadas pola empresa Myagal, o pasado setembro, para repartir entre a rapazada grovense.

O concello anunciou que farían o reparto a través das ANPAs, pero a día de hoxe non se realizou esa entrega.

O Grove, 4 de marzo de 2021.- O dezaseis de setembro do pasado ano, o Concello do Grove anunciou que recibira, da empresa de montaxes e alugamentos profesionais “Myagal” asentada en Sanxenxo”, a doazón de 1.000 máscaras de protección infantís que ían ser distribuídas ás cativas e cativos dos colexios grovenses a través das súas respectivas ANPAs.

A día de hoxe, case seis meses despois do anuncio do Concello (web e redes sociais), as ANPAs non recibiron nada e as nenas e nenos dos colexios do Grove seguen sen contar con ese elemento de protección que a empresa Myagal decidiu doar.

Por este motivo, o Grupo Municipal de Esquerda Unida rexistrou este xoves unha pregunta a través da sede electrónica co propósito coñecer o paradoiro destas máscaras e, no suposto de que sigan nas dependencias municipais, esixir que se realice o reparto entre as ANPAs para que procedan a distribución entre a rapazada grovense, tal e como anunciaron.

NOTICIA CONCELLO WEB MUNICIPAL:

https://concellodogrove.es/index.php?lng=ga&cont=18&id=2516

NOTICIA CONCELLO FACEBOOK

https://www.facebook.com/permalink.php?story_fbid=3602773909741327&id=192621247423294

Gabinete de Prensa

Esquerda Unida O Grove

Ningún comentario:

Publicar un comentario