Ao longo dos corenta anos da ditadura de Francisco Franco que padeceu España, houbo unha confusión interesada e continuada entre o público, o patrimonio do Estado, e o privado, propiedade do ditador e, polo tanto, tras o falecemento, dos seus herdeiros.Parte do Patrimonio do Estado pasou a formar parte do patrimonio particular desta familia, podéndose producir, de facto, unha apropiación indebida de bens públicos.
O Estado, aínda que pareza unha obviedad, merece a pena insistir niso, debe velar pola conservación, é dicir, por evitar a perda, dos bens que forman parte do Patrimonio Nacional que, non hai que esquecelo, pertencen ao conxunto da cidadanía.
Dáse o agravante de que algúns destes bens, de indubidable valor económico, poden ser, ademais, de interese cultural, histórico, artístico, etc. Este feito converte en ineludible a responsabilidade do Estado na recuperación, co mínimo custo económico posible, destes bens que nunca deberían deixar de ser de titularidade estatal.
Por outra banda, é convinte lembrar a polémica que rodeou este verán á familia Franco, quen, nun claro desprezo cara a unha autoridade democrática, como é a Xunta de Galicia, impediu aos técnicos da Administración autonómica inspeccionar o estado do Pazo de Meirás (Sada); motivo polo cal decidiuse expedientar á familia do ditador Francisco Franco.
A que fose residencia estival do ditador necesita ser revisada polos técnicos gobernamentais para elaborar un informe previo á súa declaración como Ben de Interese Cultural (BIC), un extremo que podería converter ao edificio nunha atracción de libre acceso ao público durante catro días o mes.
Por todo iso, o Grupo Parlamentario de Izquierda Unida-Esquerda Unida, presentóu unha Proposición non de Lei pola cál o Congreso dos Deputados insta ao Goberno a que:
Adopte as iniciativas ou actuacións necesarias para colaborar coa Xunta de Galicia para as actuacións necesarias para o procedemento administrativo de declaración do Pazo de Meirás patrimonio cultural ao servizo e goce dos galegos, e estude as posibilidades de expropiación como patrimonio público.»
A Coruña, 25 de Setembro de 2.007
CONSELLO COMARCAL DE A CORUÑA
Ningún comentario:
Publicar un comentario