Sancionado con Mil Euros o Presidente da ANPA dun colexio público de Ponteareas por manifestarse contra o xenocidio de Israel en Gaza

O subdelegado do goberno en Pontevedra decidiu iniciar un procedemento sancionador contra Juan Carlos Carrillo Claro por manifestarse en Ponteareas en solidariedade co pobo de Gaza e contra o xenocidio israelí perpetrado de xeito máis notorio a finais de ano 2008 e principios de 2009.

28 de marzo, mobilización contra a crise

As agrupacións locais de Esquerda Unida, Partido Comunista de Galicia, e Xuventude Comunista Galega do Grove, secundan e animan a participar na concentración que terá lugar este sábado 28 de marzo en Vigo pola nacionalización da banca e en contra da cirse capitalista que nos afecta, dentro da xornada mundial de mobilizacións acordada no Foro Social Mundial. Por este motivo, militantes do Grove da nosa organización desprazarémonos até a cidade viguesa para xunto cons nosos compañeiros protestar en contra da situación actual de crise e reclamar a posta en marcha das medidas necesarias para atallala.

O Grove 1979-2009. 30 anos de concellos democráticos

Prensa:

O Grove 1979-2009. 30 anos de concellos democráticos

Todogrove.com

O Grove 1979-2009, 30 anos de Concellos Democráticos, é o epígrafe elixido pola Asociación pola Recuperación da Memoria Histórica O Grove, para a celebración de diversos actos conmemorativos deste 30 aniversario, que se desenvolverán no Grove entre o 3 e 18 de abril.

Texto: L. Prieto | Fotos: J.L. Oubiña

IU propón que o Estado inxecte capital aos concellos para atenuar o problema de liquidez das PEMEs

Prensa:

IU propón que o Estado inxecte capital aos concellos para atenuar o problema de liquidez das PEMEs

Europa Press

O coordinador xeral de Izquierda Unida, Cayo Lara, anunciou hoxe unha serie de iniciativas para combater a crise e a falta de liquidez, entre as que destaca a proposición dunha inxección de capital do Estado a través do Instituto de Crédito Oficial (ICO) aos concellos, para “atenuar a situación de falta de liquidez que teñen as PEMEs”.

Esquerda Unida apoia as mobilizacións contra o proceso de Boloña

Ante as mobilizacións que veñen protagonizando miles de estudantes no noso país e outros moitos países europeos contra o chamado proceso de Boloña, Esquerda Unida desexa facer chegar ao conxunto da cidadanía o seu apoio a ditas mobilizacións, que responden a unha lexítima e xustificada preocupación pola implantación de novos plans de estudo (no marco do Espazo Europeo de Educación Superior), sen un debate amplo e en profundidade con participación de toda a comunidade universitaria.

Así mesmo queremos manifestar o seguinte:

8 de marzo: plenos dereitos, plena igualdade

Aínda que xa manifestamos que o Goberno do PSOE está máis preocupado pola imaxe que polas políticas reais de cambio e transformación, a realidade preséntase moito máis crúa do que pensabamos conforme vai avanzando a lexislatura.

Esquerda Unida unha forza en ascenso en Galicia

HISTÓRICA PARTICIPACIÓN

Esquerda Unida valora a histórica participación nesta chamada ás urnas, o que incide na madurez democrática do pobo galego, acadando unha porcentaxe do 70,19 %.

O BIPARTITO PERDE O GOBERNO POLO CONTINUISMO NAS SÚAS POLÍTICAS

As políticas continuistas do bipartito xeraron frustración na esquerda e non foron quen de construir a alternativa no noso país. Estas políticas son as responsables da perda dos deputados do bipartito.

Esquerda Unida desenvolverá un Plan de Emprego

No acto sectorial de emprego de Esquerda Unida no que participou o dirixente federal Ángel Pérez, de Esquerda Unida avanzou a sía aposta por unha ampla política de axudas financeiras ao través dos instrumentos públicos do ICO e das caixas para garantir liquidez as pequenas e medianas empresas, que como suliñou Javier Galán xeran o 90% do emprego total.

ESQUERDA UNIDA LEVA AO PARLAMENTO EUROPEO O DEBATE SOBRE AS CONSECUENCIAS DA CRISE NOS TRABALLADORES DO SECTOR AUTOMOBILÍSTICO GALEGO

Willy Meyer reuniuse esta mañá con Juan Manuel Fajardo, candidato de Esquerda Unida pola provincia de Pontevedra. A reunión de traballo permitiu perfilar unha serie de iniciativas concretas que se porán en marcha de forma inmediata, como resposta ás consecuencias da crise económica, que azouta con especial dureza á Comunidade galega, onde a pobreza e a exclusión social afectan ao 20% dos fogares, cun total de 201.316 parados, e onde se duplica a taxa de precariedade laboral da Unión Europea. Na reunión celebrada en Bruxelas, participou tamén Joan Josep Nuet, Senador de Esquerda Unida, quen explicou á prensa que ” puxemos en común unha acción coordinada as delegacións de EU no Parlamento Europeo, o Congreso dos deputados, o Senado e Esquerda Unida, para situar a Galicia no centro do debate”.

Yolanda Díaz, reclama melloras e igualdade salarial en mulleres e homes

Yolanda Díaz deseñou en Mos e no Grove as bases do modelo económico e produtivo de Esquerda Unida, alternativa real ao modelo depredador do capitalismo que nos levou até a crítica situación actual de abafo para a clase traballadora. O modelo de Esquerda Unida quere o control público e social da economia a partir da planificación democrática e a intervención de traballadores e traballadoras no excedente que se produza. Un modelo de emprego harmonizado coa sustentabilidade, coa capacidade de reposición dos recursos da terra.

Os cabezas de lista de Esquerda Unida ofreceron un mitin no Grove

Prensa:
Os cabezas de lista de Esquerda Unida ofreceron un mitin no Grove

todogrove.com

Yolanda Díaz criticou a nula capacidade do bipartito para solucionar os problemas laborais de Galicia. Esquerda Unida avoga por “un modelo económico e produtivo alternativo ao modelo depredador do capitalismo que nos levou á crítica situación actual”.

Texto: J. Otero | Fotos: M. Muñiz/L. Prieto

Sábado 14 de Febreiro, mitin de Esquerda Unida no Grove

Este sábado, día 14 de febreiro, ás 12 horas da maña, Esquerda Unida presentará o seu programa electoral aos veciños e veciñas de O Grove.

Estarán presentes no acto, que se celebrará nas instalacións da Confraría de Pescadores de San Martiño, na Praza do Corgo, a candidata á Presidencia da Xunta de Galicia, Yolanda Díaz, o cabeza de lista pola provincia de Pontevedra, Juan Fajardo, e o concelleiro de EU no Grove e candidato, Xan Lamelas.

Esquerda Unida reunirase coa Confraría de Pescadores San martiño do Grove

Mañá, mércores día 11, a partir das 18:30 horas, dirixentes e candidatos de Esquerda Unida reuniranse con representantes da Confraría de Pescadores San Martiño do Grove para recoller as demandas do sector mariñeiro e expoñer o programa desta formación en materia de pesca e medio ambiente.

Cayo Lara presenta o plan económico alternativo de IU para que logren emprego máis dun millón de parados, “fronte á parálisis dun goberno que só ofrece desesperanza”

Entre os obxectivos do documento ‘Contra a crise, crear emprego’, que mañá aprobará o Consello Político, está crear unha prestación de 600 euros mensuales para as máis de 800.000 familias con todos os seus membros en paro, garantir os créditos para as Pymes que non despidan ou prohibir os ERE ás empresas con beneficios.

Unha chamada a mobilización e a rebeldía fronte a alternancia política

Esquerda Unida aprobou no seu Consello Político Nacional un lema de campaña que xogará con dous eixos da tradición da esquerda transformadora: ser a voz e o pensamento crítico, que revela un modelo de sistema, o capitalista, insostible e inxusto; e servir de instrumento organizado para a a clase obreira que quere rebelarse contra o mesmo pero necesita de forzas que, como EU-IU revelan e rebelan fronte a alternacia política incapaz de afondar na construcción de outro modelo económico e social.

IU prepara un plan de medidas económicas para crear máis de un millón de empregos “frente á resignación e desesperanza de Solbes”

Tercera Información

Izquierda Unida está elaborando un Plan de medidas económicas, centrado na creación de emprego, co que dar unha resposta alternativa e progresista á crise e para trasladalo á sociedade, pero tamén ao Goberno, despois de que “Solbes converteuse no ministro da resignación e a desesperanza”, segundo o cualificou Cayo Lara.

Juan Fajardo liderará por terceira vez a candidatura de EU ás autonómicas por Pontevedra

Prensa:

La Voz de Galicia

Aínda que ao parecer a súa intención inicial era dar paso a unha nova cara á fronte da candidatura, finalmente o vilagarcián Juan Fajardo está en condicións de liderar de novo a lista coa que Esquerda Unida concorrerá ás eleccións autonómicas do 1 de marzo pola provincia de Pontevedra.

O proceso non se pechaba ata a noite de onte, na que os militantes das agrupacións comarcais foran convocados para votar a proposta deseñada pola comisión provincial de candidaturas. Pero, en principio, ningún factor interponse entre Fajardo e a cabeza da lista pontevedresa, que ocupará por terceira vez consecutiva. Os únicos reparos previsibles a esta decisión poderían haberse producido na propia asemblea de Arousa, á que o candidato pertence. Pero nada teñen que ver coa súa capacidade para facer fronte ao número un, senón coa posibilidade de que a campaña electoral puidese interferir co labor que Juan Fajardo e o seu grupo municipal desenvolven na corporación de Vilagarcía.

Yolanda Díaz, coordinadora nacional, será a candidata á Presidencia da Xunta

O Consello Político Nacional celebrado o 17 de xaneiro de 2009 no Hotel Apostol Santiago de Compostela aprobou que Yolanda Díaz, coordinadora nacional de Esquerda Unida, sexa a nosa candidata á Presidencia da Xunta de Galicia nas Eleccións que se derimirán o 1 de marzo de 2009.

Yolanda Díaz será a cabeza da provincia da Coruña, á que lle seguen, nos primeiros postos persoas que desenvolven responsabilidades institucionais nos Concellos de Ferrol (a propia Yolanda Díaz e Javier Galán, tamén están Sari Alabau e Miguel Reimóndez), Mugardos (Pilar Díaz, que vai de segunda), Neda (Rosana Llago) ou Cambre (Juan Fernandez). Pola provincia de Pontevedra o cabeza será Juan Fajardo, concelleiro en Vilagarcía de Arousa. Carlos Anxo Portomeñe será o que encabece a candidatura en Lugo e Carmen Iglesias fara o propio pola provincia de Ourense.

Solidariedade con Palestina

O Colectivo Local da Xuventude Comunista Galega no Grove, xunto con Esquerda Unida e o Partido Comunista, facemos un chamamento a todos os veciños e veciñas do Grove para que acudan á manifestación nacional convocada por diversas organizacións de toda Galiza este domingo 18 en Santiago de Compostela, e que terá asúa saída ás 12 horas desde a Alameda desta cidade.

ESQUERDA UNIDA CONDEA AS MATANZAS DE PALESTINOS PERPETRADOS POR ISRAEL COS SEUS ATAQUES Á FRANXA DE GAZA

Esquerda Unida quere denunciar a nova vaga de violencia terrorista de Estado, que o goberno israelí está a desenvolver sobre a poboación palestina na franxa de Gaza. Denuncia que fai extensiva á unha comunidade internacional que permite por activa ou pasiva o exercicio dunha violencia brutal e o mantemento de condicións de vida insoportables nos territorios ocupados, en aberto desafío dunha legalidade internacional violada reiteradamente por Israel coa complicidade dos EE.UU. e a propia Unión Europea.

Fondo Estatal de Investimento Local

No día de onte, reuniuse a asemblea local de Esquerda Unida do Grove coa finalidade de tratar diversos asuntos, entre os que destacou o debate sobre a proposta que trasladará Xan Lamelas ao grupo de goberno sobre o Fondo Estatal de Inversión local, que destinará a O Grove perto de 2 millóns de euros.

O Pleno aproba a “Declaración do Grove”

 pasado luns 24 de novembro, o Concello en Pleno aprobou a chamada “Declaración do Grove”, a través dunha moción achegada pola Asociación da Memoria Histórica O Grove, e que recolle as conclusións das Xornadas “Lei da Memoria Histórica”  celebradas no Grove o pasado 25 de outubro. A moción foi aprobada cos votos a favor de Esquerda Unida, PSOE, BNG, PG e AMeca (10), e co voto en contra do Partido Popular (6).

mocion-declaracion-de-o-grove-memoria-historica

O noso corpo non ten prezo

Secretaría da Muller do Partido Comunista de España

25 de novembro, continúa a loita contra a violencia de xénero

A explotación sexual aféctanos ao conxunto das mulleres, do mesmo xeito que outras formas de violencia de xénero. A reivindicación dun mundo sen violencia, sen explotación sexual, en igualdade, é sen dúbida unha mensaxe prioritaria co que as mulleres debemos saír á rúa este próximo 25 de novembro.

Charla sobre o cambio climático na costa galega

Este venres, día 21 de novembro, o Concello do Grove, a través da Concellería de Xuventude que dirixe o edil comunista Xan Lamelas, presentará a charla “Cambio climático na costa galega”, que se impartirá no local social do Clube de Remo Mecos en Rons, ás 20:30 horas da tarde.

15-N todos á rúa: a Crise que a paguen os capitalistas

Este sábado celebraránse concentracións contra a reunión do G-20 e a refundación do Capitalismo en todo o mundo e xa están convocadas en decenas de cidades españolas.

Lugar en Vilagarcía: Praza da Ravella

Data: 15 de novembro, sábado.

Hora: 17 Hs

Así mesmo esta convocatoria fai un chamamento a todos os cidadáns e didadás á participación na mesma.

Charla sobre o proceso de Boloña

Este venres, día 14 de novembro, o colectivo territorial do Grove da Xuventude Comunista organizará unha charla sobre o coñecido proceso de Boloña de reforma do sistema educativo superior.

A Xuventude Comunista leva varios anos mobilizándose en contra deste proceso e do Espazo Europeo de Educación Superior, desde que no ano 2.000 se iniciaran en España os trámites para que no 2.010 este cambio sexa efectivo, primeiro coa Lei Orgánica de Universidades (a controvertida LOU do Partido Popular que levou a milleiros de estudantes a protestar nas rúas) e despois cos reais decretos publicados polo goberno do PSOE que camiñan cara a elitización, privatización e mercantilización da universidade.

Xornadas Lei da Memoria Histórica

A Asociación pola Recuperación da Memoria Histórica do Grove infórmanos que por causas alleas á súa vontade, as xornadas de mañán, que se ían realizar no Cine Marino, cambian de ubicación, e pasarán a celebrarse na Casa de Cultura Manuel Lueiro. Manterase o horario previsto así como o programa das mesmas.

Xornadas de debate sobre a Lei da Memoria Histórica

O vindeiro día 25 de outubro, celebrarase no Grove a Xornada Lei da Memoria Histórica, no Cine O Marino, organizada pola Asociación pola Recuperación da Memoria Histórica do Grove.

Contra as medidas “contra” a crise do goberno do PSOE

A Xuventude Comunista manifesta a súa oposición ás medidas económicas anunciadas polo goberno para facer fronte á crise global que o neoliberalismo trae como principal consecuencia e ten profunda dimensión en España.

Esquerda Unida anima a participar nas mobilizacións do 7 de outubro

Desde a Agrupación Local de Esquerda Unida no Grove, queremos animar ao maior número de traballadores a participar da Xornada Mundial polo Traballo Decente que se celebrará o vindeiro martes día 7. No noso país, a convocatoria é na cidade de Vigo, e terá comezo ás 20 horas.