Os edís
esquerdistas propoñen mellorar e valorar a calidade dos servizos municipais a
través dunha Carta de Servizos municipal. Levarán a proposta ao pleno do mes de
maio.
O Grove, 10 de maio
de 2016.- No
propósito de mellorar a calidade dos servizos que ofrece o noso concello, o
grupo municipal de Esquerda Unida ven de rexistrar unha moción para que o pleno
deste mes debata e poida aprobar a creación dunha Carta de Servizos municipal.
Segundo os edís de
Esquerda Unida, as Cartas de Servizos son documentos públicos, a través dos
cales o Concello fixa obxectivos e estándares de calidade que supoñen un
compromiso fronte aos cidadáns. Por tanto, establece e comunica os servizos que
ofrece e as condicións nos que os efectúa; as responsabilidades e compromisos
de prestalos cuns determinados parámetros de calidade; os dereitos da cidadanía
e os usuarios e usuarias dos mesmos; as responsabilidades que, como
contrapartida, contraen ao recibilos e os sistemas de participación
establecidos, có obxectivo de garantir unha mellora continua dos servizos
públicos.
A pesar de que o
proceso de elaboración e implantación das Cartas de Servizos nos organismos do
Estado e da autonomía veñen definidos e regulados no Real Decreto 1259/1999, do
16 de xullo e no Decreto 117/2008, do 22 de maio, respectivamente, as entidades
locais galegas non dispoñen de normativa reguladora. A Federación Española de
Municipios e Provincias editou en xaneiro de 2011 un documento que define a
Elaboración e Xestión dunha Carta de Servizos na Administración Local i é sobre
eses criterios, nos que os edís esquerdistas consideran que se debe elaborar a
Carta de Servizos para o Concello do Grove, coa posibilidade de incluír
calquera suxestión por parte dos grupos políticos representados na corporación
municipal así como dos colectivos, cidadáns ou organismos relacionados coa
finalidade.
É por iso polo que o
grupo municipal de Esquerda Unida, rexistrou a moción co propósito de que o
Concello do Grove poida contar nun futuro próximo cunha Carta de Servizos co
fin de acadar unha mellora na calidade dos servizos públicos que presta e uns resultados adecuados na satisfacción da cidadanía.
Grupo Municipal de Esquerda Unida
[ver/descargar documento da FEMP do 2011 para a elaboración de Cartas de Servizo]
Prensa
Esquerda Unida persigue mayor calidad en la prestación de los servicios municipales [ver noticia web]
EU reclama que se elabore una carta de servicios del Concello [ver imaxe noticia completa]
Prensa
Ningún comentario:
Publicar un comentario