venres, 29 de abril de 2016

O 1 DE MAIO, REIVINDICANDO A RECUPERACIÓN DOS NOSOS DEREITOS DE CLASE TRABALLADORA




72.000 empregos destruídos nos últimos catro anos en Galicia.
75.000 unidades de convivencia con todos os membros en paro.
32.800 familias sen ningún ingreso.
300.000 traballadoras e traballadores cun salario igual ou menor do SMI.
92% dos contratos foron de carácter temporal no 2015.
40% de taxa de desemprego na xente moza.


Estes son algúns exemplos de datos demoledores cos que se escribe un triste relato dun país que destrúe o seu emprego, un lugar onde os fogares están nunha situación insostible, mentres o Goberno segue a aplicar unhas políticas dirixidas ao enriquecemento dunha minoría. É dicir: estamos a vivir nun país destrutor da economía e inimigo do ben común.

luns, 18 de abril de 2016

VIDEOFORUM ABERTO: CRISE HUMANITARIA ÁS PORTAS DE EUROPA

videoforum aberto o grove.jpg

EU realizará mañá un cineforum aberto na Sala das Cunchas do Concello.

O acto versará sobre as migracións e a crise humanitaria as portas de Europa, facendo fincapé na solidariedade coas persoas refuxiadas. O Deputado de AGE Xabier Ron e a responsable de políticas sociais de EU Sofía Díaz intervirán no evento.


O Grove, 18 de abril de 2016.- A Agrupación Local de Esquerda Unida no Grove continúa coa programación de cineforuns que iniciaron hai ano e medio coa proxección do documental “Comprar, tirar, comprar”. Nesta nova cita de proxección e debate, trataráse o tema das migracións e a crise humanitaria que as persoas refuxiadas están a vivir ás portas de Europa. O acto, organizado por Esquerda Unida en colaboración co Foro de Inmigración, contará coas intervencións de Xabier Ron, deputado de AGE no Parlamento Galego, e Sofía Díaz, responsable de políticas sociais de EU, e a proxección do documental “Las muertes de Ceuta”.



Esta xornada de debate sobre unha problemática tan actual como é esta, celebraráse mañá martes 19 de abril na Sala das Cunchas do Concello do Grove a partires das 20:30h.

xoves, 14 de abril de 2016

LEMBRANZA REIVINDICATIVA DA NOSA MELLOR HISTORIA

 

Manifesto republicano de Esquerda Unida.

Lembramos para reivindicar, no 85 aniversario da proclamación da República, a tantas persoas que entregaron o seu traballo para erguer a esperanza compartida de construír un novo país. Non queremos esquecer o exemplo de dignidade democrática que as urnas da primavera republicana de 1931 expresaron ao derrotar a un réxime apodrecido entre a miseria e explotación á que sometía ás clases traballadoras e a corrupción estrutural na que vivían as elites daquela I Restauración Borbónica.

A República constituíu, entón, a resposta das clases traballadoras e populares para disputar ás clases dominantes, a dirección política do Estado, a construción material de condicións de vida dignas para a maioría social traballadora, e en resumo a ferramenta para acadar a hexemonía de valores, a panca básica para a transformación social. 
 
A proclamación da República fora posible polos azos unitarios construídos e que callaron na acción política e electoral conxunta republicana e socialista. A mellora das condicións laborais, os avances na loita pola igualdade que simbolizou o sufraxio universal, os milleiros de novas escolas unificadas, o proceso social polo que o noso pobo gañou dignidade ao derrotar ao caciquismo e plebiscitar o autogoberno… son algúns dos fitos dunha República que na Fronte Popular sinalou o camiño do porvir. Dese alento transformador somos coherdeiros e corresponsables todas e todos os que acreditamos na apertura dun proceso constituínte cando o réxime da II Restauración Borbónica provoca condicións de vida insoportables para tantas e tantos de nós.

mércores, 6 de abril de 2016

EU solicita que se permita estacionar e se creen áreas de servicio para autocaravanas


O Grupo Municipal de Esquerda Unida ven de rexistrar no concello unha moción na que se solicita que as autocaravanas poidan estacionar e pasar a noite no noso concello, así como a creación de areas de servizo para este tipo de usuarios.

A agrupación local de Esquerda Unida consideran que O Grove ten que aproveitar este tipo de turismo en auxe en toda Europa. Un turismo -o do autocaravanismo- que provoca a extensión da tempada xa que viaxan todo o ano, dinamiza ás áreas rurais, promociona áreas pouco coñecidas e difunde o patrimonio histórico, gastronómico, paisaxístico e cultural das zonas que visitan, ademais de potenciar o comercio local, en especial o da restauración e os supermercados.

Para elo, o
Ex. zona aparcamento en Ponte Caldelas
primeiro é regular a súa situación no Concello do Grove, onde non hai zonas expecíficas para que poidan estacionar e unha ordenanza local o prohibe así como a posibilidade de que pasen a noite na vila, a pesar de que a instrución 08/V-74 de xaneiro de 2005 si o permite. Así mesmo, os usuarios do autocaravanismo precisan atopar no seu destino as facilidades para desenrolar a súa actividade que pasa por contar cunha área de servizo, onde poder subministrarse de auga potable e realizar o baleirado de augas grises e negras. 

Ex. Area servizo en Ponte Caldelas
Un servizo que, ademais de marcar o destino dos autocaravanistas, tamén garante a xestión medioambiental segura e responsable dos residuos, evita o vertido incontrolado de augas residuais, favorece a chegada dun colectivo en pleno auxe en Europa, pon de manifesto o carácter amigable da localidade, pode converterse nun punto de información turística e comercial en beneficio da zona, potencia o comercio local e prolonga a tempada turística a todo o ano.


É por iso, que os concelleiros do Grupo Municipal de Esquerda Unida someterán a debate e aprobación, no pleno de abril, a proposta de modificar a Ordenanza de Policía, Bo Goberno e Medidas para Fomentar e Garantir a Convivencia Cidadá no Espazo Público para permitir o estacionamento das autocaravanas e que estas poidan pasar a noite no concello así como habilitar un mínimo de dúas zonas (unha en cada parroquia) reguladas nas que se lles permita facelo. Tamén que estas zonas conten con Área de Servizo nas que se poidan abastecer de auga potable e baleirar as augas residuais (negras e grises). Unha instalación que non require un gran desembolso económico e repercute positivamente no Concello.

[descargar moción no seu contexto orixinal

Prensa 

EU aposta por habilitar zonas de estacionamento e servizo para autocarvanas [ver noticia web]
 
EU pedirá en pleno que se habiliten áreas de servicio y zonas para que pernocten las autocaravanas [ver noticia web]

EU propone derogar la ordenanza que prohibe estacionar y pernoctar a las autocaravanas [ver noticia web para subscriptores] [ver imaxe da noticia completa]

EU pide que se modifique la ordenza que prohibe a las autocarabanas pernoctar [sen noticia web] [ver imaxe da noticia completa]